بسم الله الرحمن الرحيم

السلام عليكم ورحمة الله وبركاته

في يوم 25 / 3 / 1430 هـ دعاني العميد تريحيب بن سابح الحربي مشكور للجلسة الدورية بحكم انه المنسق لها حيث تزهو الجلسة في نخبة من اعيان حرب كان المتحدث فيها , د/ مرزوق بن تنباك , و د/ صالح النافع
,و د/ ماجد عبيد , و رجل الأعمال / عبدالله عليثه والباحث / فايز البدراني وكان لي الشرف الكبير بالمشاركة في هذه الأبيات :

ارسلي تريحيب جزل التراحيب = لجل اجتماع الموانسه للجماعه
ولبيت للمرسال دعواه وأجيب = وأقول ياتريحيب سمعٍ و طاعه
جمعاك تجمع محتمين المواجيب = احسبلها حسبان لو كان ساعه
ليا دعاني داعيٍ قلت ماأغيب = ربعي حجاي وعندهم لي بضاعه
في جلسة يديرها استاذ وأديب = يروي ضميان السوالف ابداعه
بالعلم والتاريخ قوله مكاسيب = اكسب مثل غيري بطيب استماعه
في مجلس فيه ازرق العود والطيب = متصدره من طال عِـرفه وباعه
أفــنــى حــيــاته كــلها بالتجــاريب = وشيبه وقار وبالنواصي شعاعه
من شبته لين اعتلق راسه الشيب = للمرجله والطيب رافع شراعه
منصى لشمطان اللحا والأشانيب = وذكره مع الأجناب بالفعل ذاعه
يالابتي ياستر راسي عن العيب = ياعزوت الحربي كان الوقت لاعه
لاصــار للحـــربــي لزوم ومطاليب = لا تبخلون بجاهكم ياجماعه
بقضى الحوايج يكرمك عالم الغيب = أوصيكم ونفسي بذل الشفاعه
ان كان عند أصحاب ولا معازيب = والرجل يمدح من فعايل ذراعه
وختامها مع ازرق العود والطيب = صلو على محمد نبي الشفاعه

صح لسانك يا طويل العمر والله إنك من أغلى أهل الرياض كلهم
/
صاحب مواقف الرجوله والنخوه
/
اسمك يرفع الراس وذكرك طيب ونوماس
.
مع إني ما قابلتك إلا مرة واحده لكنها عن مقابلة الف رجال لأنها بقيت في ذاكرتي تعلمني روح الفزعه والبشاشه ومزاحمة الرياجيل على العلم الغانم ,,
.
.
القصيده اللي تقولها غاليه عاليه حتى لو كتبتها بدون وزن وقافيه .

المشاركة الأصلية كتبت بواسطة ابوبندر (المشاركة 91730) صح لسانك يابو فهد وافي ومدحت ربع ً وافين ومجلس عامر ان اسعدنا الحظ وطالت بنا الايام نتمنى نتشرف بحضوره مع الاسماء الاعلام اللي ذكرتهم لانها مجالس رجال يستمد منها العرف والعلم الغانم

المشاركة الأصلية كتبت بواسطة علي الجضعان (المشاركة 91731) صح السانك قصيده قمه وكل بيت فيها لحاله قصيده تسلم ابافهد سجل أعجابي وتقديري وتقبل مروري واحترامي

المشاركة الأصلية كتبت بواسطة ذيبان (المشاركة 91746) وفي ,,, وفي ,,, والوفاء طبع ملازم لك تستاهل مدح ربعك وصح لسانك تاج راسي ابو فهد

المشاركة الأصلية كتبت بواسطة سعد بن هذيل (المشاركة 91685) اشكرك اخي عبدالله على شعورك والشاهد عندنا ولا تستغرب المبحه بيني وبينك ابن عم وابن الشيخ الجليل صاحب النخوة والحميا والكرم ولا تنسى ان والدك والدي وكان بيني وبينه مواصله حتى في الشعر . -رحمة الله عليه - وكان يطلب مني زيارة له بالمدينة وقلت هذي الابيات واخذته الايام قبل افي بوعدي ورحمه الله رحمة واسعه كل ماحل طاريه قلت الابيات التالية في 5/12/1417 هــ : يالي حملت الخط وصل سلامي ........ للشايب اللي مسكنه بالمدينة راشد ولد ساير عزيز المقامي ............ حلو النباء لضيف يضحك جبينه راع الدلال المكرمات الحشامي .......... مع زعفران وهيل يصبغ بصينه ياحامل المرسول قله مرامي ............ نزور داره ثم نقبل جبينه وازور بيت المصطفى في دوامي ....... وارجع لأبو مقبل واطرق عرينه لا شك وضعي خاضعن لنضامي .......... امشي بغير الكيف ياعارفينه وأن سانحتلي فرصة بالأمامي ........... حق علينا الشيخ نافي بدينه