لقد فقدت اخاً عزيزا وقبلي فقدت قبيلة حرب منبرا من منابرها العاليه ...
انه اخي ووالدي شاعر حرب الكبير : متعب الديري ::ابو فهد::
عزائي للدّيَره جميعاً ولابنائه فهد وخليل وخالد ولجميح اسرة المرحوم ....
لا والله اللي غاب نور الفحيحيل=غدا به اللـي مايحـذّر نذيـره
اقفى به اللي ماتـرده مداخيـل=وخلى النفوس اللي توده كسيره
اللي تعود قطف روس الرجاجيل=ولا هو يفرق بين متعب وغيره
ابو فهد ماهو بحاجـه لتدليـل=الديري اسمه شمس في كل ديره
راعي هلا والهيل نسل الحلاحيل=ومن اطيب الاجواد معدن وسيره
ريف الرجال اللي تحب التعاليـل=اهل المواقف والوجيه السفيـره
عنده صعيبات القضايا تساهيـل=واليا ارتكى شال الحمول الكبيره
ماقولها حـبٍّ لبـدع التماثيـل=راضين بالمكتوب شره وخيـره
ياما فقدنا من سيوفٍ مصاقيـل=وياما تجرعنا الكؤوس المريـره
وياما تعبنا من عنا الحط والشيل=واليا نسينا هم جانـا خشيـره
لكن زمان اليوم به هدّة الحيـل=والآدمي يجهل نهايـة مصيـره
الموت حق ولا لنا عنه تبديـل=والدرب واحد والمسافه قصيـره
............
انا لله وانا اليه راجعون
اللهم اغفر له وارحمه واكرم نزله ووسع مدخله واغسله بالماء والثلج والبرد
اللهم نقه من الذنوب والخطايا كما ينقى الثوب الابيض من الدنس.....
وقد وصلني خبر موته في نفس اليوم من اخي سعد المجينين وقد حزنت كثيرا
ولكن قضاء الله لاراد له ...
اخي
الأكبر
الشاعر
الإنسان
خلف الفريد
لاشك ان ماخرج من القلب
وقع في القلب...
ولاشك...ان اصدق الشعر على الإطلاق
الرثاء
ولاشك ان هذا النص
النازف...الباكي...المبكي
اختصااااار للمشاعر والشعر والكلام
اخي العزيز...ابا عبدالعزيز
لقد قلت وابدعت...لافض فوك على
قطرات الروح ...التي عشت وتأثرت وابحرت
على مركبها الحزين وصورها المؤثره
ورحم الله احد رموز الشعر...والطيب
الشاعر الكبير...((متعب الديري))
وبالفعل انه لخطب جلل....وفاجعة...
ولكن الحمدلله الذي لايحمد على مكروه سواه
لله مااخذ ولله مااعطى
والدوام لوجه الحي القيوم
وجزاك الله خير اخي خلف
ولي رجاء من الأحبه المشرفين
ان تثبت هذه الموجعة...لانها من اصدق واسمى
ماقرت هنا....
اقبل من قلبي صادق الدعاء لك بالتوفيق والصبروالسلوان
الطيب في روسكم ياحرب ولحاكم=من قال تكفون والله ماتخذلونه
سعد بسجنه ورى القضبان ينخاكم=قضى سنه ينتظر من يقضي ديونه
من الغبينه بعال الصوت ناداكم=تكفون ياتاج راسي لاتخلونه
شف بالي هرجة الناس القديمة &&& هرجة الي عارضه بالشيب لاحي
الرجال الي نبي صارت عديمة &&& كيف أجمعها شتات بالنواحي
راحوا الي كلهم شيمة وقيمة &&& وجنب المقهور عن درب الطياحي
الرائع والراقي في كل شيء
الاديب الشاعر والاعلامي الكبير رشيد الفريدي (ابو عبد الاله)
مرورك الادبي نبع صاف ووفاء وانصاف ...
انه موضوع بحد ذاته تميز وفاق جهد صاحب المتصفح ....
وكما اشرت اخي انها يعلم الله كلمات جذبتها من اعماق القلب وربما استعجلت بها ..
لكن الحدث كان مفاجئا وسريعا ومؤلما فجاءت هكذا ...
اشكرك شكر المحب وعرفان الممنون لاعدمتك ...
تقبل تحيات اخيك ومودته
.............
رد: وسقط ركن جديد !!!!!!!!!!! 
العرض العادي
