قال الذي زين المثل يعتني فيـــــــه=ينفي شوايبها وياخذ ثمرها
مني تحيه للطهيمي او طاريـه=ترحيبتن تجلا الضلام ابسفرها
من هاجس قامت توارد طواريه=يتعب على قيفانها لا صخرها
تبقى فخر للقاف والي امغنيه=وفي مدح ابو يوسف تزايد فخرها
والنعم للي لابته تفتخر فيه=سيف اليا هام الصعيبه بترها
مثلك يابو يوسف تسوقه مباديه=يم المراجل لين يارد بحرها
ماهو غريب الطيب لاصرت راعيه=ياطيب المجنى قطفتم ثمرها
تبقا افعولك مالحقها مشاريه=ي وجه ميلات السنين او دهرها
تطري على الي حيلته فركت ايديه=اليا بــغالــه حاجتن ماقــدرهــا
يمناك في فعل الجزيله امضريه=يوم الردي وقت الوازم قصرها
الطيب قسمة حض من عند واليه=ماتنعسف كف الردا لوجبرها
كلن على ماقيل ينضح ابما فيه=ويجني ثمر محصولها من بذرها
وصلاة ربي عد فرض انصليه=عد النجوم وعد دورت قمرها

نعم يستاهل المدح ابو يوسف من مشاهير عيال راشد في العصر الحديث
وعندما نرى امثال شاعرنا بن محماس يمدح امثال الطهيمي فلا يعدوا ذلك
كونه قال الحقيقة
والتي نتمنى ان تقال لمن يستحقها امثال الشيخ / عبدالله الطهيمي
شكرا لك اخي على هذا النقل الجميل الراقي
ونتمنى ان تزودنا بقصائد الشاعر صالح المحماس
دمت بخير وعافية