مجالس الفرده - وقت الــــــــــــعــــــــــ ــنا

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - وقت الــــــــــــعــــــــــ ــنا (http://www.alfredah.net/forum/threads/alfredah11275/)

وقت الــــــــــــعــــــــــ ــنا

إليكم أحبتي هذه القصيده
اللتي حصلت عليها للشاعر/ باجد بن هلال الفريدي
أضعها بين أيديكم

((قال عنها انها لا تعدو بأن تكون معاناة عابره تمثلت بهذه الابيات))

أرجو أن تنال على إستحسان ذائقتكم

ياوقت ياوقت العنا وش بقى هـات =كل اللـذي عنـدك تجـره عليـه
ياوقت وش سويـت بالعمـر زلات =حتـى تلبسنـي ثيـاب القضـيـه
ياوقت بانت لك بوجهـي علامـات =وفي وسط قلبي لك ثمانيـن كيـه
صارت حياتي كلها آهـات بآهـات =ولاعاد أنا لـي بالصبـر مقدريـه
سنين عمري عامـره بالمعانـات =ماشفت لـي فيهـا حيـاة هنيـه
اضحك مع الجلاس وأبكي مع الذات =وهموم عمري في ضميري خفيـه
أشكي همومي للجدي والمسافـات =تحـول بينـه وبيـن رد الشكيـه
وأشكي همومي للقمر بضع ساعات =ويغيب عني ماتـرك لـي وصيـه
واشكي همومي لليالي الطويـلات =وتفاختـاَََ مـارداَ العـلـم لـيـه
وأشكي لحالي حالتي بس بسكـات =وتسابقـن دمـوع عيـن شقيـه
أخفي دموعي عن عدوٍ و شمْـات =أخـاف لايـدري بدمعـي وبـيـه
الوقت بهذلنـي بكثـر المتاهـات =وعقْب له بقلبـي طعونـن نديـه
خلـى لياليهـا عليـه مكـيـدات =وأيامهـا صـارت عليـه دهيـه
مالي جـدا ياكـود بـس التنهـات =ومجاذبـت ونـات عمـر قصيـه
وإلا أتسلى بالقصـص والمجـلات =وأعلـل النفـس الحزينـه شويـه
وإن مارحم وقتي عيونٍ سهيـرات =خوفٍ علـي أدن أنـا الهاشميـه
يالله ياخـلاْق سبـع السـمـوات =ياعـالـمٍ بالبيـنـه والخـفـيـه
إنـك تبـدل هالليالـي العسيـرات =بصبـح يشـادي نهـار الضحيـه
وتشفي جروح في ضميري عطيبات =من بعـد ماكانـت جـروح دميـه
وتبـدل أيـام الشقـا بالمسـرات =قبل لأشوف الموت واقـف عليـه
وإن كان مالي في زماني وناسـات =عندي تساوت هـي ويـا المنيـه

باجد بن هلال الفريدي