|
ديوان ولد أمس ..ذعار قاعد هذا الديوان للشاعر الكبير والذي نشرته في منتدى مجالس حرب .. على هذا الرابطhttp://www.harb-net.com/vb/showthread.php?t=33949 ذعار بن قاعد ( ولد أمس ) وقد نقلتها مشافهةً عنه كما يضم هذا الديوان روابط صوتية للقصائد بصوت الشاعر * * * إليكم مقدمة الديوان الشعري بقلم الشاعر فهد بن ضيف الله الغيداني . . |
مشاركة: ديوان ولد أمس ..ذعار قائد الحمد لله والصلاة والسلام على رسول الله وبعد: لا أدري أتتميز حرب بالشعر أم يتميز الشعر بحرب وإن كنت أرجح الاثنين!! أتكلم هنا عن شعر النظم أما شعر القلطة فنعاني من قلة مبدعيه شئنا أم أبينا!! لا أريد أن أخر ج من موضوعي الرئيس(فأنا كما يقول البعض إن تكلمت في موضوع خرجت لآخر بسرعة واستطردت فيه كثيرا كما كان يفعل الشيخ علي الطنطاوي رحمة الله عليه والذي يشتهر بذلك مع الفارق الكبير بيني وبينه ) طوقني الصديق العزيز خالد الفريدي(ابن راشد) بهذه الورود وأرادني أن أشم رائحتها وأصف بياضها وشرفني بها أيما تشريف حينما كلفني بكتابة مقدمة هذا الموضوع أوعلى وجه الدقة هذا الملف الشعري النادر للشاعر النادر ولد أمس إذن فاسمحولي بقطف هذه الورود وردةً ورده ومن ثم سيورد ابن راشد قصائد شاعرنا الكبير قصيدهً قصيده بادئ ذي شعر من هو ولد أمس ؟ هو ذعار بن قاعد الفريدي الحربي من سكان بريده ويبلغ من العمر تقريباً سبعون عاما نظم الشعر وهو في سن السادسة عشرة من عمره واقتحم شعر المحاورة في التاسعة عشرة من عمره وشعر المحاورة لا النظم هو سبب إطلاق هذا الاسم عليه حيث يقول هو عن ذلك كان فيه حفل لأبناء حرب في أبقيق وكان فيه شعر اء محاورة كثر ومن جميع القبائل يقول وقف أحد الشعراء من بني شهران ( شهراني ) وأراد محاورة الشعراء من حرب وقال بيتين ،، لم يطلع له من أبناء حرب أحد فخرجت له ، وقال ماأبي هذا هذا ولد أمس ،، وردعليه ببيتن عندما كان الحضور منشغل بالسوالف بالسياسية أيام حرب الغرب مع إسرائيل في ذلك الوقت يا سلامي وتركوا شرح السياسية أتركوا شرح السياسية ياجمـــــــاعة جذوا الماضوع وأحكوا بالوناسة وأسمعوا ولد أمس يا ركان الأذاعة وللاستماع للمناسبة انقر على الرابط أدناه مناسبة تسمية ولد أمس إذن أطلق عليه الاسم في التاسعة عشرة من عمره وكان من أطلقه عليه يقصد بأنه صغير السن لاكما أولّه الكثيرين بأقاويل ليست ذات أهمية يتميز شعره بقلّة أبياته وقوتها ويدافع هو عن ذلك في بعض قصائده مثل قوله لو قلت من دافع لو أقول بيتين عن حوفهن نقادة الشعر خجله للبيت أكون رأس وأرجول وأيدين ودورة دموية بطية وعــــــجله كما يطغي على أبياته طابع الحكمة بشكل كبير مثل قوله الرحلة اللي بها الرجال ما يستفيد هو ليه يتعب بها والمستفيد أخصماه لا صار ما مكسبه فيها محقق وأكيد إما رصيد أخرة وإلا معيشة حيـــــاه وقوله لا صار ما يعلم بخافيك غيرك مسرور لو أنك عن الدرب غادي ولشاعرنا قصيدة رائعة دافع بها عن المدارس والمدرسين ما لوقرأها مدرسي هذا الجيل لعلقوها في بيوتهم ومنها قوله لاغرابة بالليال وبالشهور وبالزمان الغرابة بالرياجيل شيبان وشباب يزعمون المفترين ويدعون الوقت خان والثقة من ينهم شالها وطار الغراب استهانوا بالوصية والأبوة والحنـان وحطوا ضعف التربية بالمدرس والكتاب الستاد أخوي للأبني فيه عطف وفيه إيمان منهجه منهج رسول ولاعلى الرسل عتاب ولولد أمس بيت مشهور يحفظه الصغير قبل الكبير و هو في رأيي من أقوى وأجمل بيوت النظم منذ قديم الزمان إلى وقتنا هذا والكثيرين يتمنون معرفة بقية القصيدة وسأترك المجال لابن راشد لإيرادها والبيت المشهور هو الليلة الدنيا عليه فضاها أضوق من الإبره على ناظم السلك كما يقول شاعرنا وهذا من الأهمية بمكان أن أغلب قصائده إجابة على سؤال!!!! لا أريد الإطالة فابن راشد سيتحفنا بقصائد شاعرنا هنا وسيضع له حسب ما أفهمني في كل يوم نصا واحد نتأملة ونتشربه ونتعلم منه والآن سأترك له المجال لإيراد القصائد مع بعض شواهدها وربما يورد لنا مقاطعا صوتية لبعضها كاتب المقدمة فهد ضيف الله الغيداني |
مشاركة: ديوان ولد أمس ..ذعار قائد
الليلة الدنيا عليه فضاها = أضوق من الإبرة على ناظم السلك أسباب نفسٍ غيضها من رضاها = أهبي يا نفس الخطأ ويش مزعلك وأنا أدعي وأقول نفسي قساها = فيه أفتخر لكن عسى الله يفشلك بينتي الخلة لحرصٍ وراها = يركض حرص يبي خوافي مسائلك اليوم حصل حجتله بغاها = فاتت علي يا نفس وشلون أعقلك قدمك أنفوسٍ مثل جات جاها = ما شايلوها مثل ماني بشايلك مثلات غمضة عين قبل أنتباها = مشموت عاذلك ومفلوج حاملك |
مشاركة: ديوان ولد أمس ..ذعار قائد
يامهدي أعمى أرياك وأنته تحلم = نيتك نية والإجابة نما فرد أنا اليا مني أومرت أتكلم = البيت ما أجيبه متكيٍ على برد واليا جلس بيتي رديفه تولم = وبيتين يكفني عن إماوح السّرد ماني بتوي بالقصيد أتعلم = مفرق مصادير المثايل من الورد ومثايلي ماهن للأطماع سلم = ولاهن قعود عقيل للهمل الشرد والسب عنه الشكر لله مبلم = والمدح قبل الفعل عنه أنطرد طرد هذا وصلى الله على محمد وسلم = شفيع حزبه يوم كل البشر جرد |
مشاركة: ديوان ولد أمس ..ذعار قائد
يا طالب أمثالي حكم كل الأمثال = لله الأعلى بكل ما كون تسدّ كلمة بها يرفع ويوضع وينزال = لمحة بصر تعمر بها الأرض وتهدّ لا تسالني عن كلمةٍ وسط جهال = ألقيتها دافع غريزة وأنا مصدّ خذ الحقيقة وأقرها كل رجال = ينسب من أقصى السند وإلا عقب جدّ ما يزعم إنه ويتفاخر بالأقوال = إلا رجل عند المواقف ماهو قدّ ولا أقدر الأبناء ولا أقدر للمال = والمصطفى مهدى على الخير من ودّ ومسيرة الدنيا نزولٍ اوترحال = وما ذقت حلو اليوم بالغد له ضدّ وكف اللغاء يوم يقرنن الأعمال = وشيءٍ ماهو لله على صاحبه ردّ للاستماع للقصيدة انقر على الرابط أدناه يا طالب أمثالي حكم كل الأمثال |
مشاركة: ديوان ولد أمس ..ذعار قائد
ياللي تبي راحة بدنك وضميرك = عن جملة الخلان خلك حيادي حيادي رأس وسر وأعبر مسيرك = على قدى وإلا على غير قادي الحاصل إنك بس فكرك شويرك = من شان ما تلقى عليك المعادي لا صار ما يعلم بخافيك غيرك = مسرور لو أنك عن الدرب غادي للاستماع للقصيدة انقر على الرابط أدناه يلي تبي راحة بدنك وضميرك |
مشاركة: ديوان ولد أمس ..ذعار قائد
الرحلة اللي بها الرجال ما يستفيد = هو ليه يتعب بها والمستفيد أخصماه لا صار ما مكسبه فيها محقق وأكيد = إما رصيد أخرة وإلا معيشة حياه أحسن له الرجل يقصرها بحبلٍ جويد = بيت الرجل راحته وعياله أولى زملاه قصدت لاقصد لي ياعاشقين القصيد = دافع معاناة فوت بغيبة الإنتباه والفوت رغمٍ على طوع الذكي والبليد = لكن الأسباب يوقى شرها من التقاه وإن ساق لي المثل وأضفت طابع بريد = عليه رمز الحكم في ذاته اللي قراه ليه أدعي عالمٍ واضح مرده جحيد = وش يستفيد الفصيح أليا أعترف في خطاه للاستماع للقصيدة أنقر على الرابط أدناه الرحلة اللي بها الرجال ما يستفيد |
مشاركة: ديوان ولد أمس ..ذعار قائد
يا قايلن مرضان مغتاظ سبني = ما أنته أبمكلوفٍ عن أسباب غيضي أترك مجالي سيبني وأجتنبني = وضعي طويل وضخم وأيضا عريضي لكان ياملقوف لا تنتشبني = ماني أبمن يعطي خفاه العريضي وأعلم بي اللي هو ملاذي وزبني = وإن صار قصدي غيظ وإلا مريضي سبني بحالي ساهي أهد وأبني = لاتحرك إزنادي يفجر نقيضي ما ضرني طول الزمان ونكبني = إلا الصراحة مع محب وبغيضي للاطلاع على هذه القصيدة أنقر على الرابط أدناه يا قايلن مرضان مغتاظ سبني |
مشاركة: ديوان ولد أمس ..ذعار قائد
يا المحترم ما قلت تعال أعني = أنت الذي باشرت من حسن ذاتك لكان اشوفك رحت زعلان مني = شيخٍ هواء قيضك يصلفق نباتك تعال أحيطك علم لا تحسبني = صعبٍ علي سوالفٍ مطنياتك تغتاظ ترضى بعشرة الآلف جني = عسى موزينك يشيلن حصاتك لو أنت كفؤ كان غيضك شحني = ما رحت كود مكملن مرضياتك جاه ومخاسيرٍ ولو كلفني = برضاك ما يسون دوسة أحذتك والا أنت هـن وتنتسب لابن هنـي = شيخٍ على مثلك باوسط فلاتك |
مشاركة: ديوان ولد أمس ..ذعار قائد
جيب الحطب حط وقدة سمر يا ناير = تراي جيتك على رأيٍٍ ماهو بنير من شحنة الصدر دمي مظطرب فاير = الوقت غير مساره صعب ويحير وعزالله إني وقفت أبماقف الحاير = لا ضعف ميزة ولا عايب ولا صغير مار أهون ظروني أركاني على العاير = من شأن ما اساير الساير ولا أسير يا صحين صبرك ولابد الدهر داير = والله لك من الفرج يا ميزة الدير لاهب لي الهوى ما هيب وأخير = والصبر موعود به خيرات للخير |
مشاركة: ديوان ولد أمس ..ذعار قائد
عزالله أني بحاجة أخياط ثوبي = اليوم لكن ثقب الإبرة مصدّي إن قلت يالربع أنظموه أضحكوبي = ولا أضحكولي لين ينباح سدّي تلافتوا ما بنيهم ولمزوبي = ولاني بقد ألهم ولاهم بقدّي أنا وجوبي في زماني أعجوبي = ومشيلها مثل أولي هو مردّي كلمة أبمعنى من فهمها مهزوبي = مني علي وفي كفي بخدّي هو ليه أكسب من تدغف أجيوبي = هدية الجايب شمات المودّي ما خلقت دوب الهم والهم دوبي = وإدانتي ماهو ابمني وردّي وخصمي خطا أضعوفه علي امحسوبي = وأنا مساري في زماني تحدّي أسعى ولو مسعاي عاكس هبوبي = وعلى الصمّت تكوين جزري ومدّي يا جاهلينٍ سيرتي ودعوبي = اللي أليا أراد أيمدني ويش ندّي لو بالجبال السبع ترجح أذنوبي = أن عمني في رحمته ما تعدي استغفره عن ما سلف لي وأتوبي = وأعوذ به عن خصم أبوي وجدّي للاستماع إلى القصيدة انقر على الرابط أدناه عز الله إني بحاجة أخياط ثوبي |
مشاركة: ديوان ولد أمس ..ذعار قائد
يا نمر ليه أزعل على الناس وأضيق = وأنا الذي للريع سقت المناجيب ذبيت ريع الخوف طماع ومويق = سبار غابة والجواري مراقيب من ضمن غزوٍ ما سعتله بتوفيق = مأمور والإنسان ما يعلم الغيب يرضى القدر لا قيد له ونسيق = ما يهمه الواشي ولا يجامل أمريب يا ملفقين الهرج بالزيف تلفيق = مابي ردى ميزه ولا ضعف تأديب والذنب خصمي فيه رب المخاليق = وموكلٍ بأرضه قضاة ومعازيب وهذا نباي أواردي يا مطاليق = لا خنت جار ولا سهجت المواجيب للاستماع إلى القصيدة انقر على الرابط أدناه يا نمر ليه أزعل على الناس وأضيق |
مشاركة: ديوان ولد أمس ..ذعار قائد
نعم ياقايل كلمة الحق قلها = أقول أبو فواز شيكٍ بجيبي وعلومك أقذلها ضمن من قذلها = لي الشرف لاقلت هايس صحيبي كلمة بمعناها اوارد مثلها = بحقوق مزينة ليه أعثبر نصيبي يوم أزمت ظروفي بركبي جملها = نصيت أنجوع مدلهين الغريبي من جيت قدم جوته لي ملها = بخلال خمسة أيام موفٍ طليبي ونعمٍ بني سالم بكامل خصلها = بنك الفقير وسقم عين الحريبي وحرب بكملها كلها أدرى زعلها = من حشمة المؤمن حشمت المريبي والناس في غراتها ما أنتشلها = ما شارك الحاظر بعرض المغيبي والمستفزة من غدر في حيلها = وإن كان هذا عيب هو بيت عيبي من جاب كلمة سوء له قلت شلها = قمعه فريضة لو أقرب قريبي واللي زرعلي زرع علاقات أكلها = وشتلها بصدره وكت الشعيبي لاداعي لحشد الفزوع بعتلها = أحفر قبر الميت أنا ولعيبي للاستماع إلى القصيدة انقر على الرابط أدناه نعم يا قايل كلمة الحق قلها |
مشاركة: ديوان ولد أمس ..ذعار قائد
شاعر منول وشاعر إلى هالحين = وأفلج الخصم الواقعي وأنفلج له والشاعر اللي ما لشعره براهين = مثل لمات أحياه ويش إيهرج له لاقلت من دافع لو أقول بيتين = عن حوفهن نقادة الشعر خجله للبيت أكون رأس وأرجول وأيدين = ودورة دموية بطية وعجله ماني معفي لاشاف ضول معفيين = فزع وعوقه بين عنقه وحجله فزع ما يعرف المين ومقابلٍ مين = جمع اللوامي فيه ما تنفرج له ينكف ما خلص دين ومدان في دين = ورسم الغلاف إيغازله ويغنج له عبرت عن ما ضر شعر البريين = ياالله تجلى ضره و ضري إجله في هذا لي شعار جيلي أمقرين = وأنا لهم كلن أموقع أبسجله ماهم مزاهيفٍ بوسط الدياوين = والمقفي يعفون عن عضّ رجله واليا التقيت أنا واحدهم خصيمين = يعذر عدو أدم أبمكره ودجله المعجب نزرع في خياله براكين = لايحرج الراوي ولا ينحرج له من حاضري يأخذ رموز ونياشين = أوجزت موجز لاجل مثله ولجله للاستماع إلى القصيدة انقر على الرابط أدناه شاعر منول وشاعر إلى هالحين |
مشاركة: ديوان ولد أمس ..ذعار قائد
ياناشدن عني تراني جهادي = بأم السلم ما بين بحرة وجدة فضي بـال وعندي الجوّ هادي = ومصد مع هاك الوجيه المصدة مصد عن درب السنع والقوادي = خذ موجزي وإلا السوالف مسدة للاستماع إلى القصيدة انقر على الرابط أدناه يا ناشدن عني تراني جهادي |
مشاركة: ديوان ولد أمس ..ذعار قائد
أنبيك يا طلاب سابق مثايلي = من حاضري خذ حاضرات أجداد مثايلي لا قلتهن من دافع = شرار صوانها بحد أزناد في شاية الله بأي ضرمة توشي = وتأثر بكبد العدو قداد ماهي سوالف معجبٍ رهاوي = يسب ويمدح لا قتضاي مراد يسب هذولاك ويمدح هذا = ويقول أنا الشاعر وأنا القصاد ويبتل إيسولف لاهو بوسط لجة = في مجلسٍ مابه كلى وفواد لا بوسطه هيبة ولا اعظم منيبة = ولا صامتٍ يوحي ولا نقاد أوجزت عما يضرني ويحرجني = وجهة نظر حقي عن النشاد من شأن ما ينشدني ويسهج عني = ويصد للي سولفوله غاد اليا نشدني لا يقاطع واردي = وكلن بعرفه صيرفي وإستاد ومثايل الشاعر جواهر صدره = ولا خير بأمثالٍ مالهن إسناد وهذي أمثالي يا طلاب أمثالي = وأمثال غيري مالهن أعداد للاستماع إلى القصيدة انقر على الرابط أدناه أنبيك يا طلاب سابق مثايلي |
مشاركة: ديوان ولد أمس ..ذعار قائد
لاغرابة بالليال وبالشهور وبالزمان = الغرابة بالرياجيل شيبان وشباب يزعمون المفترين ويدعون الوقت خان = والثقة من ينهم شالها وطار الغراب استهانوا بالوصية والأبوة والحنان = وحطوا ضعف التربية بالمدرس والكتاب والكتاب إنشاء خليفة واجبة ما يستهان = والستاد ابن البلاد إن قلت فيه القاف شاب الستاد أخوي لأبني فيه عطف وفيه إيمان = منهجه منهج رسول ولاعلى الرسل عتاب قلت عرفي وأعترفت إن الأبو هو المدان = لايه ألوم الأبرياء وأناالمخطي والمصاب ذا وأبطرح كلمتي للبيب وللذهان = جلت وأثناء جولتي شفت بالشمل أكتاب وشفت أفلاذ أكبادنا صار أغلبهم هيملان = وللشوارع والصحاري ينفرون من الغياب والابنا من نشد أبنه كل ليله وين كان = وين قضى سهرته وش ودى وش جاب ويازملاي أبختصر للرعاية ذات شأن = شأنها شأن عظيم أدل من الله للصواب ومن عطاها حقها قبل ما يفوت الأوان = شاف ربحه بالحياة وفاز بوقت الحساب والعمل لله نعم بس للمبدأ كيان = من بذر وأسقى حصد وأصل الخلق من التراب ويا منت الفرد الصمد يالمعبود المستعان = تكتب للشبابنا دعوة أباء تستجاب للاستماع إلى القصيدة انقر على الرابط أدناه لا غرابة بالليال |
مشاركة: ديوان ولد أمس ..ذعار قائد
يا صحابي ياللي عن أمثاللي نشدتوني = ووحيتكم جعل ما توحون الأذاني وأجبت بالحال لكن ما سمعتوني = واللي وراكم ما أعرفه صامت أوحاني يوم أنتصف وأردي قمتوا تلجوني = قمتوا تلجون تقل محرجة ضاني لين الطنا هد جسر خفاي مكنوني = وأحروف الإعراب صارت عجم بلساني دخيلكم بعدها لله سيبوني = أن كان فيكم ربع من وضع الإيماني تراي للأغبياء في وضع مجنوني = لجة وصجة ونطقٍ سيء ولعاني والأذكياء بشونهم سألين عن شوني = وأنا على كيفي أغني أبميداني مع أوسط الركب وأشماغي على متوني = ولاني مكلف بعرض فلان وفلاني |
مشاركة: ديوان ولد أمس ..ذعار قائد
أقول أنا اللي من نشيت بغربة = أطرد مساعي حظي المجحود سعيت من شرق المملكة لمغربها = بأمن وأمان وسلمٍ ممدود في دفة أم أدم مع الرحالة = من عشت ناشئ راكبٍ مشدود ما اذخر من كسب اليوم قوتٍ لباكر = لعل ماني الساعي المقرود أنكفت اللي أملك بس معاش تقاعد = والأسرة اللي أرئس عجوز وعود وخولي مالله متعه في شوفه = أبوٍ لسبع أطفال تقل هنود لاجين بّوسط أرضٍ ملحٍ ماءها = ومطلوبةٍ للبنك عشر قصود لا فلاحة أمولهم من إنتاجها = ولا ما شية ولامن رصيدٍ قود ورصيدي الله والجماعة فخري = ومن كل فخذ بحرب لي عضود أعضودٍ أماري بهم وأعدهم = للحرب روس وللحاجات جنود عديت ربعي حيث ربعي درعي = والحكم لله ثم لآل سعود وكلٍ على فالة يحث إركابه = والشرع مارد والحدب مجرود قلته وأنا في حاجةٍ للميسرة = والمعطي المانع هو المعبود من جاد قلت الله يكثر خيره = ومن شح ما وجهت له منقود أوجزت عن سيرة حياتي نبذة = أوجزت بند وباقيات بنود |
مشاركة: ديوان ولد أمس ..ذعار قائد
يومٍ جدة نصفها دوني والساحل والجبال = ما أكثركم ياللي يمكم كنت أتمنى جيتي يا ربعنا اللي بالقصيم إرجال وربوت إرجال = عقب منزالي بينكم تبي تغير نيتي هو ليه أجامل وأستحي يوم إنفتح لي المجال = حسنات التفرقة ما تجيرني من سيتي والعنصرية مابها للرجل مكسب رأس مال = وإن صار شرحي شرحكم حي ما بكى ميتي ما دام كلن منفرد وحده ويزعم بالكمال = والكامل الفرد الصّمد عالم خفى خفيتي في عالمٍ مرابا ورياء وغزاة نصبٍ وإحتيال = ليل وهوء وسيلٍ درو حجب رؤيا نحيتي والسانية هرشٍ حرد أمرس رشاي من المحال = في مفترق شتى الطرق حرت وحارت مطيتي والفيض والغيظ أكتمل بالمجتمع فوق الخيال = جميع ما يروى حدث وأوشك حتن عاريتي يا فالق لموسى البحر يا من عليك الإتكال = يا رازق الداب العمى وجهت لك قضيتي يا مغيث هاجر وإبنها يسرلي المسعى الحلال = وأصلح لي من ذريتي وأرث يحمل وصيتي وبرحمتك تعمني يوم الحشر ياذا الجلال = يا رحملي من أم الضناء تجاوز عن خطيتي |
مشاركة: ديوان ولد أمس ..ذعار قائد
يقول منهو لابدع القيل أجاده = مشاعره تسنبط أحكام الأمثال جندي نشأ في ظل نعم الريادة = اللي على نهج السلف ربوا أجيال آل السعود اللي سموا بالقيادة = بأمر الذي نزل تبارك والأنفال بجهودهم ساد الوطن بإقتصاده = وجهادهم يذهل عدو الله إذهال ذا قول شاعر قال حسب إعتقاده = والله خلق شتى النوايا والأعمال يا مكثرين البحث عن السعادة = أبليز ألبو لي شيبان وعيال خوذوا خبر بلسان ترجم وكاده = من واحدٍ من شانها عاش رحال خمسين عامٍ ما نزل من شداده = يمسي قمر عشرين ويصّبح هلال وسرح بعزم عقاب وأمسى جرادة = بمشاكس الأرياء من الهم يكتال وغير التجارب ما طلع بإستفاده = أنكف رصيده خمس عشرات وريال يالله دخيلك من مساع القرادة = أثر السعادة ماهي بالأرض والمال أثر السعادة شيء بالخلق سادة = ترزق به أناثي وترزق به إرجال وأثر غذاها إتلاي مخ العبادة = يجني ثمرها المسلم المؤمن أشكال ذا قول شاعر قال حسب إعتقاده = والله خلق شتى النوايا والأعمال |
مشاركة: ديوان ولد أمس ..ذعار قائد هذه أول قصيدة نظمها ولد أمس
البارح هاضن أهمومي وأحرمني لذة نومي = لانايم وأزريت أقومي وقمت أتفطن بأحوالي ولقيت بحالي شارية نزع الواهس والنحية = وأفرط ما تحوش إيديه وأعذب روحي من مالي وأثرني غادي كم ليه ما أفهم وش لي وعليه = واليوم فكرت شويه وش حتى ياهمالاالي راحن ليالي وأيامي وأنا في بحر الظلامي = وأشوف الميلات وكامي وغادي من غدية خيالي وغدية خيالي تدعيبي ما فرق يسرايه ويميني = والطلبة تيتي تلحق ديني أهوجس وأحبط بأعمالي كله سبايب ربضاني حظٍ ربوضٍ وكسلاني = حظي يا حظ الخسراني زين بالعوشز منزالي ودعيته يقوم وعيا وقلت أجل للقاضي هيا = قال إتركني بس هنيا رح جب لي خط ومرسالي قلت إركب ذي السيارة هيا يا حظ الخسارة = والله ما تسوى لك باره لو تجلب عند الدلالي قال إجلبني لا توذيني يمكن تلقى من يشريني = لاعاد إنك ما تبغيني وشوله طول الجدالي وحطيته في حوض القاري وأمشي وأصوت يا شاري = وأمدّح حظي ما دراي وأبيع حظي ما بالي وأثر به ناسٍ يعرفونه قالوا جاء ينقل مجنونه = يا غاوينه لا تشرونه تراه بزقارة غالي قلت أفتوني وش عذروبه قالوا أنت تعرف عيوبه = هوحظك وتخبر دروبه العام الأول والتالي |
مشاركة: ديوان ولد أمس ..ذعار قائد فضلاً أيها الأخوة الموضوع مغلق .. حتى أضيف للديوان قصائد جديدة بعد صدور ديوانه قريباً أتمنى يوضع لها موضوعاً مستقل .. لكم الشكر الجزيل أخوكم ابن راشد |
رد: ديوان ولد أمس ..ذعار قاعد موضوع رائع تشكر عليه ابو وليد ويستحق الرفع المشاركات والاشادة . |
رد: ديوان ولد أمس ..ذعار قاعد مشكور اخوي وصح السان ولد امس وصح السانك |
رد: ديوان ولد أمس ..ذعار قاعد الله يعطيك العافية على هذا النقل الرائع |
مشكوووووور والله يعطيك الف عافيه |
مشكور على النقل |
البارح هاضن همومي واحرمني لذة نومي هذي ليست اول قصيده له واذكر اني رديت عليها بقصيده طريفه فيها الغاز وطويله منها:ـــــــــــــــــــــــــ ــــــــــــــ
قال اللي سمع وتفرج يامن على حظه حرج= انته صاحي والا منرج يوم انت تصيح وتلالي تبيع حظك وشامرك تبي تقضي على عمرك = ترى بيعةحظك دمرك خل حظيظك عندك غالي لاتبيعه ثم يغشك واحد مثلي يطشك = في حظ ممتلي بالشك جعله حظ ماله والي الحظ ليا عاب يعيب لو راعيه انسان طيب= لازم يظهر فيه اذريب عند الاقصى والوالي خذدليل من ادنى الناس اخوك الادنى عباس= ساعة حظه معه انحاس جاك محيت وهو بالعالي والقصيده طويله وفيها الغاز وكلام ممتاز لكن اعتذر لاسباب خاصه |
| الساعة الآن 12:07 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir