ديوان الشاعر نواف بن هلال ابن نومان الفريدي

اخواني السلام عليكم ورحمة الله وبركاته.....اعذروني على الغياب وعدم الرد على المشاركات... من خبركم جيت القصيم ومشاء الله عليكم ياهل القصيم كله عروس مايمدي الواحد يتنفس السنه هاذي بزياده عقبالنا انشاء الله ابو عمر وابو عبد العزيز وابو فيصل ...وجميع الموجودين........

اهدي لكم هاذه القصيده التي ربما تشفع لي عن الغياب وهي من جديدي .....بعد مامشيت من مخيم الفرده بالجبيل متجه
للقصيم على طريق الصمان من مفرق القريه العلياء

انــا وانــت يالفكـتـوريـا صـنـعـت الـيـهـودنـبـي نمـسـي بـديـره ونصـبـح لـنـا بـديـره

ابسـري عليـك الليـل مـن ديـرة ابـو جــودخـــطٍ طـويــل ومـظـلـمٍ مـامـعـه نـيــره

انـا باحـرق الافكـار وانـت احــرق الـوقـودوطـريـق القـصـيـم مغربلـتـنـا مـشـاويـره

بداعب اهمومي وانـت داعـب هبـوب النـوديالـيـن الصـبـح بـاكـر تـجـاوب عصـافـيـره

انـا كـنـت اكــب الـقـار واعــارض النـفـوديوم اني على الجمـس الحمـر يالله الخيـره

وبعد صار لي عامين عن شوفت اهل الذودوعن اللي يجي قير الدبل في طرف قيـره

مع اهل البلد شفت اغلب السيـارات فـرودوشريتـه عـلـى شــان اقتـصـاده وتوفـيـره

يقولـون فـي هالوقـت مافـيـه امـيـرٍ كــودرجــــلاً عــطــاه الله وكــثــرة دنـانــيــره

وانــا اقــول لابالله منـكـم لـكـم مـــردودلارحــم ابــوه ولارحــم مــن هــو امـيــره

الاميـر والله كـل مـن عـقـب بــن سـعـودوالامـيــر والله مـــن تـعـاقـب مسـايـيـره

والامـيـر منـهـو يفـعـل الـجــود بالـمـاجـودوالامـيـر منـهـو راعــي الـجــاه والـجـيـره

والامـيـر والله وان لـفـى بيـتـه المـضـهـودوقـف ماقـفٍ ماينوقـف بـه عـلـى سـيـره

تـرا المـال مـع حتـى الحضـارم وابـو هنـودوخطـو البخيـل الـلـي يحـسـب مخاسـيـره

تــزود الـدراهـم والطـمـع والجـشـع يــزودويــزود ويـــزود وزاد حـســرة معـاسـيـره

يـبـرَرد عـلـى كـبـودٍ ويـفـحـم وراه كـبــودسعـت لـه ولا تـدري بعـدهـا وش الخـيـره

معـه تختلـف كـل النـوايـا عــن المقـصـودمثل ماختلـف عـن مجمـل الحلـم تفسيـره

دروب المـراجـل مالـهـا مـذهـبٍ مـحــدوديـــدور الـزمــان وكـــل درب ومـداويــره

بنينـا علـى بـحـر الأمـآنـي جـسـر مـمـدودمتـى ماانتهـت سيـره معـه تبتـدي سـيـره

تنقيـت مــن جــزل المعـانـي ثــلاث بـنـودتخـيَـر بـهـا شـعـر النـبـط مــن شواعـيـره

لي الشعر مجدٍ من تحت راس هـاك العـودقــولٍ لابــن نـومـان جــدي وانـــا اثـيــره

عـسـاك يالـلـي تـكــره المقبـلـيـن تـعــودعقـب الغنـاه الـى الفـقـر فــي حذافـيـره

اذا عشـت جسمـك مرتـعٍ للمـرض والـدودواذا مــت مـثــواك الجـحـيـم وزمـهـريـره

وانــا بـوجـه ربــي واحــدٍ عـالــمٍ مـعـبـودالــه عـبــاده كـلـهـا فـــي رجـــاء خـيــره

وصلـوا عـدد مـاعـدَ والـلـي مـهـو مـعـدودعـلـى المصطـفـى شفيعـنـا مالـنـا غـيــره

السلام عليكم ورحمة الله وبركاته...
اخواني الشهر عليكم مبارك اللهم اجعلنا من صيامه وقيامه ..وضاعف لنا الاجر والثواب

قريت مقابله في عضوء تحت الاضواء لبو حمد واتضح لي من خلالها حبه للنجوم وقال:
خاصه في جو صافي ..فقد مريت بهاذه الصوره
وقلت فيها ابيات اهديها لبو حمد
للمعلوميه القصيده مكرر

سريـتـي يالنـجـوم المرقـبـه عـنـي وانـــا أطـالـعـكويبقـى الجـدي وسهـيـل الجنـوبـي واكـبـر اوجـاعـي

سريـتـي وان بقيـتـي للسـهـر يــاودي ابـقـى مـعــكولـو ان مـالـي ومــال السـهـر مــع كثـرتـك داعــي

فـاذا كنتـي علـى كثـرة عـددك همـوم وش ياسـعـكوصــدري فـيـه كـثـرك ويحـدنـه حــدب الاضـلاعــي

هـمـومٍ وســط قلـبـي ودي ابعـدهـا كـثـر مأجمـعـكوانـــا مـانــي لـهــاذا يالـنـجـوم المـرقـبـه واعــــي

انــا واعــي عـلـى شــان اتـأمــل فـيــك واودعـــكوالا هـمـوم قلـبـي طــول عـمـري تـلــوي ذراعـــي

يطـول الشـرح عنهـا وانتـي ان رحتـي وش يرجـعـكوانــا ودي عـلـى الـضـؤ الضـئـل اعــدل اوضـاعــي

عسـى نـور الامـل لالاح لـي مايصيـر فــي موقـعـكوالا كـان مـت مـت مــن القـهـر وعيـونـي اتـراعـي

جعلـك الله مصابيـح السمـاء يانجـوم فــي مطلـعـكتـشــوف وتـقـتـدي بـــك هـــالاوادم والله الـراعــي

ولكـن مـن يشـوف دمــوع عـيـنٍ زاد فيـهـا المـعـكتـلافـاهـا الـكـفـوف وتحتضـنـهـا رووس الاصـبـاعـي

مــــدام ان الاوادم بالخطـاءتـشـوفـك ولاتـسـمـعـكابــا اغـمـض اعيـونـي لاحـكــوا واقـفــل اسـمـاعـي

يقولـون انــت مخـطـي لــو نـبـي نقنـعـك مانقنـعـكوانـــا لارايـــي ولاراي غــيــري حــــاول اقـنـاعــي

لـصـار الـلـي يـبـي يقنـعـك عـمـره مـانـوى ينفـعـكوش ارجي من ورا انصاف الحلول ان صارت ارباعي

صراحـة خـيـر يالقـلـب الصـريـح ان كانـهـا توجـعـكمابـي طـاري الصراحـه دامهـا هـي سبـت اوجـاعـي

تـبـي مـنـي الصـراحـه للصـراحـه مـانـي مشجـعـكدخـيـلــك لاتـخـلــي بــاقــي الابـــــواب شــراعـــي

والا ياقلـب لاتـحـزن تــرى الـلـي مـعـك ماقاطـعـكعلاقـة وصلهـم مـثـل الرسـالـه فــي يــد السـاعـي

انـا قلـت انـي اسهـر معـك يانجـوم الخـلا ولا اتبـعـكولكـن جــت عواصـيـف الـريـاح وضـفـت شـراعـي

على ماقال ابو ارجوان لازم نفتش بالادراج ....الحقيقه انا مافتشت واجهت (سعود) صديقي وزميل السكن ايام العزوبيه وذكرني بهاذه الابيات

عطـنـي الفنـجـال والمسـبـاحـهقـبـل ابـيَـن يـاسـعـود صـيـاحـي

قلـب تـنـزف ياسـعـود إجـراحـهكيـف تمـحـى جعلـهـا للمـاحـي؟

انــت يـمـكـن دمـعـتـك مـبـاحـهوالا انـا حرمـت عـلـي افـراحـي

قـاطـعٍ بـحـر الخـلـيـج سـبـاحـهوساعدتـنـي للـعـبـور اشـبـاحـي

اعـتـبـرهـا تـجـربــه واسـيـاحــهولايـســوي هـاســواه اسـيـاحـي

اشهـد ان اهــل العـقـول بـراحـهوآآآآآآه.... ياكبر الخطاء للصاحـي

انـت قلـت ان دمعـتـك فضـاحـهوتبـكـي عيـونـك زمــانٍ راحـــي

قلت لك... سجنـي غـدا مفتاحـهوقلت لي... عند الخصيم سلاحي

قـلـت ورده..؟ قـلـت لا..تفـاحـهوانـت بـس هـاذا جــداك تنـاحـي

قاطعيـن مــن العـنـاء مسـاحـهميـسـيـن ولـلـســراب نـتـاحــي

تمسـح الـلـي نكـتـب المسَـاحـهمثـل حـظٍ قلـت قــام وطـاحـي

ومثـل ســرق العـالـم المـزَاحـهيـلـعـن الله ســــارقٍ مــزاحــي

لـــو لقـيـنـا بالـصـراحـه راحـــهمـانـخـفَــي شـيـبـنــا لالاحـــــي

ارسل لي الصديق العزيز خالد بن عايض العملطي هاذا البيت
بعد مده لم نلتقي فيها..
فبعد ما تنصدم من بعض الاصدقاء والمعارف وازملاء
عندما ترا صديقاء مخلصاً ويتضح عكس ذالك
وعندما تعرف زميلا صادقاً ويتضح عكس ذالك
ورجلا شهماً ويتضح عكس الك
وآخر صادقاً ويتضح عكس ذالك
ورجلا ملتزماً ويتضح عكس ذالك
ماذا يراودك غير شعور الياس..؟
يامطول بغيبتك وش لون الاحوال= عساك في غيبتك طيب ومبسوط
وقد جاراها الشاعر خالد بن حواس العنزي ابو غلا
وقصيدته في جهاز نسيته في بريده عند عودتي انقلها لكم
بأذن الله...

ياخالـد الاحـوال مـن حـال فـي حــالتقفـي بنـا شوطـاً وتقبـل بـنـا شــوط

نسـعـى وتفرحـنـا الامـانـي والآمـــالوالياس له صوتٍ من الحزن مشحوط

لاخـاب ظنـك فـي رصيـدٍ مـن المـالمالك مشاريهٍ علـى النـاس واشـروط

وان قيـل مـن قالـه فقـل لابـن هـلالمضبـوط والا جعـل مـاهـو بمظـبـوط

راح الـوفـاء ياطـيـب الـفـال بـريــالوالشك يجلد فاعل الطيب في سـوط

البـر ضاقـت بـه مـن الـجـال للـجـالوالـجــو مـلَـيـانٍ بـواشــق وشـبــوط

والمجتـمـع نـصـه مساكـيـن وانـــذالواللي بقـي منهـم شواكيـش وجنـوط

اوراق بالذاكره

يـاذنـب غـيـري وش يجيـبـك لجـنـبـي؟من شـان اطهـر مهجتـي منـك واتـوب!

وكانـه علـى انـك ماتجـي ربـع ذنبـي؟؟انــا بعد....مـاهـوب ناقصـنـي ذنــوب!!

ولـو ان زفــرات الـهـوى بيـنـن بــي؟؟وانك هـواي وكـل ممنـوع مرغـوب؟؟؟

صـديـت عـنـك وصـدتـي عـنــك تـبــيانــي لغـنـي لــك هجيـنـي ومـسـحـوب

واخطـيـت واسـهـوم المـنـايـا رمـنـبـينسييييت من قولت.....(مقدر ومكتوب)

واصبحـت ياقلـب الشقـاء مسـرفٍ بـيلاجل الهـوى واهـل اهـوى كلـك عيـوب

منـهـا مكـاتـيـب الـعـنـى شـيـبـن بـــيقـريـت فيـهـا حـبـل الافـكـار مقـلـوب

يــاذنــب غــيــري لاتــقــرب لـجـنـبـيانــا تـــرا مـاهــوب ناقـصـنـي ذنـــوب

[

السلام عليكم حبايبي اعتذر عن قل المشاركات في الاقسام الاخرى ..لكم مني ان اتي بمايعجبكم باذن الله ,اييكم مني هذه المتواضعة عسى ان تليق بذايقتكم الفذه

علام الحياة اليا اضحكتلي وطـاب الفـالتضيـق الـدروب اللـي وســاعٍ مداخلـهـا؟

قالـوا ضـروف الوقـت ماتخلـف الرجـالولاتخلـف اهـل المرجلهـا عــن مراجلـهـا

وانـا اقـول يالـي قلـت ماقلـت لـي قـاللاصــرت بمكـانـي ياقلـيـل العـنـاء قلـهـا

وذا شلـت شئـاً شالـه القـلـب ماينـشـالمـع اللـي قـدرت تشيـل ماشلتهـا شلـهـا

واذا ضقت منها طق راسك بعرض الجالنتـيـجـه غـلـطـك الله يـعـيـنـك تحـمـلـهـا

يـومٍ نصيـح مـن العنـاء والامــل مــازالويــــومٍ نــبــي للـعـافـيـه مانـحـصـلـهـا

درست بتضاريس ارضها قبل احط اعقالوهالحـيـن متـوكـل عـلـى الله وعاقـلـهـا

ابـي بـس منهـا يـوم شــئٍ يـسـر الـبـالتــداري بـدايـة فـرحـتـي لـيــن اكمـلـهـا

قصيده قديمه كادت ان تندثر
اتمنى ان تنال اعجابكم ..

فقط..من كثرة التفكيـر.!! لاساحـر ولا مسحـورتـراودنــي بـبـالـي فـكــرةٍ وازريــــت اسـويـهــا

صبرت وقلت ابااصبر طول عمري والزمان يدورولاادري كيـف ابااصبـر يـوم بانـت لــي مواريـهـا

ولكـن مالـي الا اكتـب قصيـدة خاطـرٍ مكـسـورعسـى كـل البيـوت الـلـي كتبـهـا نحتـفـظ فيـهـا

قصيـدة خـاطـرٍ لاضــاق يكتبـهـا بــدون اشـعـوريـوجـهـهـا عــلــى كــــل اتــجـــاه ولايـداريــهــا

اعانـي ضيـقـةٍ زادت لـهـا عــام وثـمـان شـهـورواذا زادت تجـي مــن كــل صــوبٍ قــل واليـهـا

مشاكـل كـل مشكـلـةٍ عـلـى عنوانـهـا محـظـوريــامــا صــــار فــــي عـنـوانـهــا والا يـبـاريـهــا

ابـي منهـا السلامـه مـيـر جــا للـحـظ فيـهـا دوروحــظـــي خــابـــره وده يـكـحـلـهـا ويـعـمـيـهـا

لاجيـت اصـد عـن كثـر الكـلام ولـجـة الجمـهـوروالامـنـي بـديـت الخـطـوه ادري ويـــن ابنهـيـهـا

لقيت اللـي يبـي لـه مصلحـه يضحـك يلـف يـدورعـلـى كلـمـه وراهــا حـاجــةٍ بالـنـفـس نـاويـهـا

وكلمـة ماعليـكـم زود او مـاجـاه مـنـك اقـصـورتــرا ماقالـهـا الا لحـاجـةٍ فـــي يـــدك تعطـيـهـا

علـى كثـر الريـاء بيـن العبـاد وشاهـديـن الــزوركـثـر مـابــه عـبــادٍ عـافــوا الـدنـيـاء ومافـيـهـا

ومن يسأل مجرب يكتفي عن (وصفـة الدكتـور)يـعـلـمــك بـمـرارتـهــا وحـامـضـهــا وحـالـيـهــا

انا مالي دخل..!غير انـي اكتـب مأملكـه بسطـورانـا كاتـب فقـط..! والا انــت سامعـهـا وقاريـهـا

انا ارجوا منـك لامنـي سهيـت تقـول لـي معـذوروانــا افـــداك بحـيـاتـي مـــن مبـاديـهـا لتالـيـهـا

ترا مـن كثـرة التفكيـر نـوب اجـي مطـف النـورامـد اخطـاي بالظلـمـاء ولاادري عــن مواطيـهـا

وانـا لـو انـي اقابـل عـدوي قلـت لــه مشـكـور!مـدامــه يـعـتـرف لـــي بـالـعــداوه مايخـفـيـهـا

ولا اقـابـل صـديـقٍ يبتـسـم لــي حـاقـدٍ مقـهـوريحـفـر حـفـرةٍ قــدام رجـلـي لـيـن اقــع فـيـهـا

هذه قصيده قلتها قبل خمس ست سنوات تقريباً .
في زمنهم وهي على ثلاث شوارع.
وقد علق عليها الشاعر عبدالله بن عايض بن رده القحطاني في بيتين
انا اقول

على هل اللون الاسود ياحكـم فـاولوش دخل ام العبيـد بملعـب الكـوره

رايـس علـى زمـرة الحـكـام يـابـاولمن شان كوفي عنان يكون فالصوره

كـلـن ورا لجـنـة التحكـيـم ويـحـاولوالكـل بالـكـل والـلاعـب وجمـهـوره

واللاعـب اللـي جتـه كـوره ولانــاولودك يصـيـر احتـيـاط ولايـجــي دوره

صهـيـون الاثــول يمشيـهـا ويـتـثـاولوالناس مـن كذبـة التمثيـل مقهـوره

تكسير ضربة جزاء واكروت وامغاولواليـا انتهـا الفلـم كـلاٍ مــد حنـجـوره

قال بن رده

خلطـه وصبـه وطـن بلـك وامـقـاولوبنـيـت فـلـه ثــلاث ادوار مهـجـوره

خطه وعقد اجتماع وشجب وامداولقلي وش الفرق بين الأصل والصوره

قصيدة قديمه نشرتها هنا عام 2007 وقت كتبتها قبل ذالك بعامين
لعدم قراتها من قبل الزوار او الاعضاء الجدد لوجودها في الملفات المغلقه اردت ان تقرؤها
آن اوانها ومايعيشه العالم العربي والاسلامي
على قولتهم (الربيع العربي)

سبب حضور الهاجس عندما قال لي صديقي سعود(والله يأنت تعاني)

معـانـاة المعـنَـا فــي معانـيـهـا عـنــا وإلـهــاماحاسيس ومشاعر من وهـج نـار الحشـآ ذابـت

انا ياسعود اعاني مـن ثمـان سنيـن قبـل العـاممعـانـاةٍ عـلـى مــر الـزمـن معـيـارهـا ثـابــت

والا العـام واللـي مـر بـه كـلـه خــدع وأوهــاميديـنـاً عيبـهـا مـــن روس انامـلـهـا ولاعـابــت

مـدام ان الامـل موجـود مهمـا كـانـت الاحــلاممعاداهـتـم لآمــآلٍ بـقــت لـــو كـلـهـا خـابــت

آلا ياسـعـود لام قـلـت لــك قــدام قــل قــدامنبي نمشـي ولا صـح الخطـأ والنفـس ماطابـت

انا بأعطيك ماعنـدي مـن الافكـار روس اقـلاموابيك تقـول لـي مـن ودة الدنيـاء ومـن جابـت

تـرا ان دورت بالشـدَه احـزام ولالقيـت حــزامفــلا تنفـعـك ثــورة بـنـدقٍ ماعمـرهـا صـابــت

تبي مني الصحيح اللي علهم علم كـوم إعظـاممـحــوا بأيـامـهـم وأيـامـنـا شـبـنـا ولا شـابــت

عسى الله يلطـف بحـال الغريـب بتالـي الايـامبعد موت القلـوب اليـا غشاهـا الريـب وأرتابـت

لسان اهل اليمن ضاعت حروفه في بلاد الشاموكــوادر مجتمعـهـم تعـلـن الـتـوبـه ولا تـابــت

انا ماقـول مابقـي مـن عيـال العـرب مقـدام؟اقول اليا فترق شمل الآهآلـي شمسهـم غابـت

دخل فصل الربيع .!!! وحظ رعيان الرعيه قامآلآ يازيـن شـوف ارض الربيـع وعشبهـا النـابـت

هذه قصيده اسندها لي الشاعر عبدالله بن رده القحطاني وكان فيه يلومني على عدم المشاركات في البرامج والمسابقات للشعر ومنها شار المليون آن ذاك ويقول انني اتعبت نفسي بالصيانه ومكانيك الطايرات والفك والربط ولم امن مستقبلي ولم اترك الشعر
هو يقول

ابــن هــلال مابـيـن شــده وفـكـهراحت حياة الناس صاحي ومجنون

احدٍ فتح بـاب الرجـاء واحـد صكـهواحدٍ يبـوس ايـد الليالـي وممنـون

واحــدٍ يقـبـل قبـلـتـه يـــم مـكــهويطوف مع نـاس عليهـا يطوفـون

واحدٍ علـى بـاب النـدم فـل صكـهويلعن زمانه والزمـن فيـه ملعـون

ويصيـر بـافـواه المخالـيـق علـكـهاللي على اعـراض الاوادم يغيـرون

نـواف لا مـن شفـت هــاذا فـذكـهدندون مرسـل هالرسالـه لدنـدون

قلت

يامـرحـبـا بـالـلــي الـيـاقـيـل زكــــهقـلـت الـنـقـاء والا الـهـلايـم يـولــون

حــرام حــرم الــدم مـافـيـه شـكــهعنـدي انـا ماهـيـب قـولـت يقـولـون

كـــلاٍ يـبـيـن مـعـدنـه مـــن مـحـكـهلاقامـوا اصـحـاب المـعـادن يحـكـون

دك القصـيـد ومـــر فـكــري ودكـــهوقـام يتخطـرا كـل صاحـي ومجنـون

لــه نــك نـيـم ولاخـفـا القـلـب نـكـهومـن راس دنـدونٍ الـى راس دنـدون

قلـنـا وبــاء شـعـري ولامـنــه فـكــهوأثــره يلـعـب بالمشـاعـر وطـاعـون

اوجـهـه مـــع كـــل سـكــه وسـكــهورحـايــلــه ركـابــهــن مـايـقـيـمـون

وحبـل الرجـاء مـن يمسكـه مايفـكـهواهـل الامـانـي بالصبيـخـاء يحـفـرون

لازت راعـــي عـشــرة الـتــك تـكــهثم جولك اصحاب التسلسـل يقشـون

واصغـر عـد بيـن الـعـدد كانـهـا اكــهواقفـى الـورق بيديـن نـاسٍ يحسبـون

من لاخذا لـه مـن عنـا الوقـت صكـهتقـدر تقـول انـه عمـا قـلـب وعـيـون

ومـن صـار مصـدر رزق نفسـه يعكـهمـاكـل حـاجـه تنـقـضـي بالتلـيـفـون

ودام العرب فيهم علـى الحكـي حكـهاسحب على اهروج المساكين سيفون

والـلـي يـصـك الـبـاب والـلـي يفـكـهوالـلــي يـــدور للمـفـاتـيـح كـيـلــون