واهني اللي إلى صار يبغا النـوم نـام
سالمٍ من لوعة الحـب وهمـوم الشقـا
مايفكر كود بالنـوم وظـروف الـدوام
وباقي الفرصة زيارات بعض الأصدقا
يوم حالي من هوى الزين طاويه الهيام
غايبٍ عني وأنا أعيش في رجوى اللقا
صابرٍ لي عام كامل وهذا نـص عـام
وش بقى ياسـود الأيـام بالله وش بقـا
غاب عني صاحبي وأرمست عنه العلام
الهقاوي فيه زينـة ولا أدري وش هقـا
أظلمت دنياي من غيبته بـدر التمـام
مالقيته عكس من قـال مـن دور لقـا
طال صبري وانتهى والهواوي مايـلام
خص حبٍ مثل حبي على وضح النقـا
ودي أرسل له مع الريح مردود السلام
وأشرح أسراراً حواها ضميـرٍ مغلقـا
مادرى غيره عن اللي يكن من الغـرام
ماعطيت أسرار حبه مبـاري ورفقـا
والهوى عند المشاكيل هيبـة واحتـرام
ماينقص مستوى من على العليا ورقـا
ياعيون اللي إلى تـل مسباقـه وحـام
أخمرن عنـه الحبـاري ولاذن بالتقـا
من لمسها مخلبه طايره راحـت عـدام
وإن نزل للواقعـه مالهـا دونـه وقـا
مدخلك بالواحد اللي دخيلـه مايضـام
أعتيقيني كـان للحـب يابنـت عتقـا
صح لسان الشاعر
الجزل
عوض ناصر الفريدي
قصايد جزله وفي غايه الجمال
لاهنت ابو يارا على المجهود الجبار
رد: ديوان الشاعر / عوض بن ناصر الفريدي 
العرض العادي
