ديوان الشاعر خلف الفريد ( قصائد )

عندما زرت ابناء صديقي الشاعر الكبير/متعب الديري يرحمه الله في
بيتهم العامر بمنطقة الفحيحيل بالكويت هاجت قريحتي وذكرياتي فارتجلت
هذه الابيات التي ابكت الجميع ......

ماجابنـي يمكـم غـيـر الـوفـا يافـهـدللوالـد الــي مقـامـه يـرفـع الهـامـه

متعب فقيدة قبيلة حرب طير السعدعـسـاه يلـقـا نعـيـم الخـلـد قـدامــه

عليـه حـر الضمـايـر لاهـبـه ماخـمـدولا نكست عن طويل القمـه اعلامـه

صحيح ماكل عمره فـي نعيـم ورغـدلكـن تـرك سمعـة تفخـر بهـا ايـامـه

صبـر وصابـر علـى شداتـهـا واجتـلـدوعب المراجل ولكـن ماطفـا هيامـه

وعقب حرار تسر العيـن عنـد الهـددعاداتهـا فـوق جـزل الصـيـد حـوامـه

نعم السنـد يـوم كـان بحاجـة للسنـدونعم الخلف يوم جف الحبر واقلامـه

ويقول في هذه الورديه ...

الارض غارت منك ياغلـى هديـهلو انها تنطق حكت عـن قهرهـا

سلبـت منهـا اللـون والجاذبـيـهونور النجوم اللامعـات وقمرهـا

ولا كنك اللـي عـارفٍ بالخطيـهزودٍ على ماصـار تاطـا ظهرهـا

عذبتني واشقيـت نفـسٍ شقيـهنفسٍ علـى لامـاك ربـي ومرهـا

صخرت لك كل الجوارح مطيـهلو ان محدن قبل حبك صخرهـا

حتى الدموع اللي منوّل عصيـهليـا ذكرتـك ماقويـت احتكـرهـا

وما دام حبـك صافـيٍ مـا عليـهلو ذقت في دنياي قاسي كدرها

التضحيـه تعنـي سليـم وضحيـهوانـا فديتـك بالعـيـون ونظـرهـا

ولو النهايـه عنـد حـوض المنيـهمافيـه حايـل بيـن روح وقدرهـا

وفي قصة المجنـون والعامريـهجملة دروسٍ قصتـي تختصرهـا

لم استطع حضور حفل زواج الابن / ناصر بن مبارك بن حديد وقلت هذه الابيات اعتذار
لاخي الحبيب ابو ناصر لوجودي خارج المنطقه :

يابو عمر مشكور مشكور مشكورموضوعك اجمل من نجوم المجرّه

كتبت عن حفـل ٍ كبيـر ٍ ومشهـوركـلٍ درا بــه.. والفـريـدي يـسـرّه

بضيافة اللي قومتـه مابهـا قصـورمبارك مدار الطيب وايضـا مقـره

يشهد على ما اقول زوار واحضورواللـي يضيـف البـيـت والا يـمـرّه

ادري غيابـي غصـة داخــل الــزورلكن اعتـذاري حـال دون التشـرّه

لكن ورا ناصر يجـي دور(منصـور)ونعـوّض الغاليـن فــي نـظـم درّه

قصيدة رثاء لاخي (حربي غازي) وعزاء لأخي الغالي / محارب غازي المعباسي

العمر من عند الولـي وقـت ممنـوحوامــانــة بـارقـابـنــا كـالـوصـاتــي

امّــا رصـيـدٍ يــوم الأعـمـال بـالـوحوالا تـضـيــع ولا يـفـيــد الـصـواتــي

تضـوي علينـا ســود الايــام وتــروحبامـر الـذي بيـديـه مــوت وحيـاتـي

ويامـا يمـرَ مـن المقـاديـر سـامـوحلكـنّ عصـف المـوت بالحيـل عاتـي

والمـوت ضيـف جيَـتـه مابـهـا بــوحولاينـفـع استـعـداد عـقـب الفـواتـي

وعلـمٍ لفانـي هـزَ الأعمـاق والـروحوأثقـل عليّـه مـن جـبـال السـراتـي

مـاكـنـي إلا بـالــعٍ ســــم ذرنــــوحأودع معـالـيـق الـحـشـا ذا يـبـاتــي

غاب الحبيب اللي وجـوده لنـا ضـوححربـي بـن غـازي جميـل الصفـاتـي

لكُـن عزانـا شيخنـا عـاش مـمـدوحديــن ورجـولـه واحـتــرام ونـقـاتـي

لعـل قـبـره روضــةٍ طيبـهـا يـفـوحوتسقـيـه غــرّ امزونـهـا الهامـيـاتـي

ولعل جسـمٍ بيـن الأمـوات مسـدوحعنـد السـؤال يكـون بـاقـوى ثبـاتـي

صحيـح فقـد أحبابنـا سقـم وجــروحلـكـن يقـيـن المسلمـيـن النـجـاتـي

يا محارب اصبر واحتسب همً ويزوحوالـصـبـر عـنــد الأولـــه يـاغـنـاتـي

مـن لايمـوت اليـوم فالبـاب مفتـوحالــدرب واحــد والمصـيـر الممـاتـي

ولابد مـن يـومٍ بـه الحـزن مطـروحونلـبـس ثـيـاب أفراحـنـا الزهيـاتـي

ولاينفع الميَـت سحـا الدمـع والنـوحإلا الـدعــاء وأعمـالـنـا النـافـعـاتـي

والله يجبـر كسـر سالـم ومـسـروحويلـطـف بـنــا بايـامـنـا المقـبـلاتـي

كم آلمني كما آلم الجميع بل الوطن كله عندما امتدت يد الغدر والخيانه الى رجلين من رجال الامن الاوفياء
هما الشهيد مونس بن عقيل الضعيني الحربي وفواز بن عبد الله الفريدي الحربي الذي انجاه الله من كيد الحاقدين
فرحم الله الشهيد (ابو عمر)وحمدا لله على سلامة فواز ...
احبتي
هذه كلمات متواضعه عبرت فيها باسمكم جميعا بعد ان صحونا من هول الفاجعه راجيا ان تنال رضاكم ...

هــــذا حــنــا يـاوطـنــا مانـبـيـعـك يـاوطـنــانرخـص الـروح العزيـزه مارضخـنـا لـلأعـادي

ياحـلـو طـعـم الشـهـاده ولا يـقـال انّــا جبـنّـاالعهـود الـلـي عليـنـا دونـهـا خــرط القـتـادي

والحقـود اللـي غـدرنـا ماحـصـل لــه ماتمـنـاغايرات سهـوم حقـده عـادت لصـدره وكـادي

مـادرى انـه لــو تخـفـى فــي حيـاتـه ماتهـنـاكـلـهـا ايـــامٍ قلـيـلـه ثـــم تلـقّـفـه الايـــادي

الوطـن دونـه رجـالٍ تـرفـع السـيـف المحـنّـامن رفع راسـه خيانـه طمّنـه ضـرب الهنـادي

غبت يامونـس حقيقـه لكـن مـا اختفيـت عنـاياشهـيـدٍ عـطّـر بـدمـه جمـيـع انـحـا الـبـلادي

والله انــا والله انــا يـابــن عـمــي والله انـــانفتخـر بــك دامـنـا حييّـيـن يـارمـز الجـهـادي

واهنيّـك يــوم صــرت الـيـوم بالـعـزّه امكـنّـاالشهيـد اللـي يضـاف لقافلـة خـيـر العـبـادي

ولا يهمـك لـو حــروب ارهابـهـم دايــم تشـنّـابعون خلاق البشر يقضى على روس الفسادي

ويــا وطـنـا دام عــزك مــع امـانـك يـاوطـنـاوالله انــا مانبيـعـك سلـعـةٍ وقــت الـمـزادي

وهذه الابيات اهديها الى الابن / فواز بن عبد الله بن سمير الفريدي زميل ومرافق
الشهيد / مونس الحربي رحمه الله ...وهوبالمناسبه ابن زميلنا الشاعر الكبير (( الجديد))
الذي اهنئه بسلامة ابنه فواز راجيا من العلي القدير ان يمن عليه بالشفاء العاجل ....

فواز يشفيـك الولـي خالـق الكـونوغير الدعاء المسموع مانستطيعه

انا ادري انك يابن الاجـواد محـزونوحنـا بعـد مثلـك رمتـنـا الفجيـعـه

قدر الخوي عند المشاكيل مايهونوشلـون لاروّح بلحظـه سريـعـه !!

الآدمـي عـمـره لـلاقـدار مـرهـونومـقــدّر الاقــــدار ربٍّ نـطـيـعـه

ومصيرنا مـوتٍ محقـق ومضمـونولا تحول من دونه حصـونٍ منيعـه

وقليـل منهـم بالشـهـاده يـفـوزونالا الـــذي غـالــي حـيـاتـه يبـيـعـه

دون الوطن والدين وابليس ملعونمايعـبـث اتبـاعـه بــدار الشريـعـه

اللي على درب الخيانـات يمشـونولا يهمـهـم لــو النـتـايـج شنـيـعـه

عصـابـةٍ مابـيـن غــادر ومـجـنـونوالحقـد والنكـران فيـهـم طبيـعـه

ونزفـت يافـواز والــدم لــه لــونومـا صابـك الله عـادلٍ مايضيـعـه

انتم تراكـم للوطـن درع وحصـونومسيركم علـى المبـادْي الرفيعـه

بيـنـت يـافـواز مـاكــان مـكـنـونيانـسـل شـيــخٍ دايـــمٍ بالطلـيـعـه

اخوي ابـو فايـز وانـا منـه ممنـونعــون الرفـيـق وللمسـيّـر ربيـعـه

وصلوا على المختار ياللـي تصلـوننبيـنـا الـلـي لــه بالاعـنـاق بـيـعـه

عابـر سبيـل .. وزاده الحـب والصـدقويـدري ربوعـه .. حافظـيـن ٍ مقـامـه

يضحك لهم .. اليا التوى مايل الشـدقويبـذل لهـم مـن دم قلبـه .. شهـامـه

سحابة ٍ تحمـل لهـم .. صافـي الـودقوعـيـن ٍ عليـهـم .. مــا تهـنـا بمنـامـه

ضيـفْ ..ومعازيبـه معاريفـهـم غــدقمـن طيبهـم .. حطـوه باعلـى سنامـه

شاف بمنامه ..بعضهم .. حمَّر الحـدْقوصحا .. وغادر خوفْ .. يبغى السلامه

قـاف ٍ وصخّرتـه على..أآمـه .. و..إدقومطيتـي تمـشـي ..وبـيـدي خطـامـه

بسم الله الرحمن الرحيم
الشاعر /علي بن عبد الله الطهيمي من الرجال الذين تعتز بهم القبيله وبيته مفتوح للجميع
وهومن اهل الكرم والمكارم ، ودائماً مدهل للنشاما ، وقبل ايام وبعد ان انفض مجلس من مجالس
الرجال في بيت الشعر الكبير الموجود امام منزله ، وعلى حين غفله ، دخل احد ابنائه الصغار
والذي لايتعدى عمره الثلاث سنوات وصار يعبث بالنار وماهي الا ثوان حتى صار بيت الشعر
كتلة من لهب، وبلطف من الله قفز الطفل من النافذة وكتبت له السلامه اما بيت الشعر فقد صار اثراً
بعد عين ،ولم يتبقى فيه الا دلال الرسلان وكانها تقول : انا لن ازول ولو تغير لوني فهذا بيت الكرم وسيبنى من جديد .....
وبعد اطمئناني على سلامة اخي وصغيره كانت هذه الابيات العاطفية :

يـابـو عـبـد الله سـالـمٍ لاعـدمـنـاكلـعـل فــي مـاصـار خـيـرٍ وخـيــره

ولعلهـا رميـة سهـم عيـن واخطـاكمن اللي مراق الطيب عنده عسيره

والحمـد للـي يابيـض الوجـه نـجـاكواللـي بلطفـه فـك نـفـس صغـيـره

بيت الشعر مجرد هـروس واسـلاكوالا انـت مكسبنـا وفخـر العشـيـره

واللـي غـدر بـك شبّـة فعـل يمـنـاكنــارٍ تـوقّـد كـــل صـبــح وهـجـيـره

يقرط بها من غالي السمـر والـراكوارطـا النفـود اللـي قـويٍّ سعـيـره

واللي حـوال النـار مثلـك وشـرواكاهـل المراجـل والصـفـات الكبـيـره

وكان احترق بيت الشعر عله افداكانـتـه لـنـا البـاقـي وتبـشـر بـغـيـره

ياكـاشـف الـغـمـه وللهم فـــارجاجعل لنا من كـل ضيـقٍ خراجـي

ونعوذ بك من كل شيطـان مـارجاللـي جيوشـه كنهـا الليـل داجــي

ومن هـول يـومٍ بيّنتـه "المعـارج"الرابـح اللـي فيـه مكتـوب ناجـي

ومن كلمةٍ يركض بهـا كـل هـارجلو هي سليمه صار فيها اعوجاجي

ولو هي صغيره صيّروها "بـوارج"العـرض كـنّـه سلـعـةٍ بالحـراجـي

ويالله جنّـبـنـا غـــرور الـبـهــارجاليوم صارت في ظهـور ورواجـي

ونطلـبـك تكفيـنـا غـلـو الـخـوارجواجعـل لنـا سنـة نبيـك سـراجـي

وافتح لنا فـي كـل عسـرٍ مخـارجانت الملاذ لطالـب العـون راجـي

دعوات من كثرت عليـه المـدارجوانـت الدليـل وهـادي الانتهـاجـي

اخينا محمد الفهد هذا الضيف الجميل والذي علق على قصيدتي في تركيا وفالح السدحان يتمتع بروح فكاهه
وثقافة عاليه وتتشرف هذه المجالس بوجود مثل هذه الشخصيه
انا لا اعرفه والله لكن اجد فيه مواصفات المحبه ....
واهدي اليه هذه الابيات الخفيفه ولا تدققون ياعيالي :

يابـو فهـد لاتفـتـح ابــواب وابــوابلاهـنـت خـــل ابـوابـنـا مغلـقـاتـي

خل الركاب اللـي بالاحـلام هـرابلو فـي منـام الشايـب مدرهماتـي

الجمس ماشي بس نبي زود ركابوابـــو زوايـــد عـدّتــه جـاهـزاتـي

وليا سألنا سايلٍ.. درب الاشناب؟!قلـنـا هـدفـنـا ديـــارٍ امقـدسـاتـي

ونجيب معنا مي زمـزم للاصحـابواغـلـى الهـدايـا للـولـد والبـنـاتـي

واحلـى هديـه للغـلا سيـد الاحبـابوالله يـكـفّـر سـيـتـي بحْـسَـنـاتـي