ديوان الشاعر خلف الفريد ( قصائد )

صح لسان عندليب المجالس
ابداع رائع وحضور قوي اثمر العديد من القصائد الخاصة
اتمنى ان يضاف هذا الديوان الى موقع دوواوين شعراء حرب
مع خالص الشكر والتقدير لمراقبنا الرائع ابو وسيم على هذا الترتيب الجميل
باقات من الورد للشاعر والناقل

هي حالات انسانيه ...نراها في الشارع ..
وفي الاسواق ..وفي اماكن كثيره ...
نعبر عنها بالدموع ...
بالتعجب..بالدعاء ..
واحياناً ..بالكلمات :

عَودٍ على ددسن "وضـرب" البواجـيمـثـل القنـابـل يــوم يـرعـد رعـدهـا

فـي حالـةٍ رثـه كمـا وجــه "لاجــي"وعلـيـه مــن لـوعـات بقـعـا نـكـدهـا

شكـلـه حـزيـن ومشيـتـه بـادّراجــيكـنــه يـــدور حـاجــةٍ لـــه فـقـدهــا

قلت اطلبـك ياخـال لـو بـه احراجـيمهموم!! .. وانـت بـدار نجـد ورغدهـا

قـال اشتكـي للـي لـه العبـد راجــياسمـع كلامـي !!.. واتحـمّـل سنـدهـا

الشـعـب مايكفـيـه غـيـر الـدجـاجـيولـولا "دجـاج الـغـرب" رحـنـا بيـدهـا

لاشفت لحم الضان يضحـك حجاجـيومـن الغـلا.. فرحـه تـمـوت بمهـدهـا

حتى "الهروش" اللي لحمها سماجـيصـارت شفاقـه خـل "لحمـة" ولدهـا

وصارت مقاض البيت مثـل العلاجـيومـن استطـاع لسعرهـا مـا وجـدهـا

ووزارة التجـار فــي "بــرج عـاجـي"حطـت "حمايـه" مـار مـحـدٍ حمـدهـا

وتـجـارنــا تسـعـيـرهـم بـالـمـزاجـيومستهـلـك ٍ هـالــك يـعـانـي كـبـدهـا

ويشـاركـون ضعوفـنـا "بالـخـراجـي"ويزاحـمـون احــوج فـقــارى بـلـدهـا

قام و اشترى خمسة كراتين "ماجي"وشـويــة اغـــراضٍ قـلـيـلٍ عــددهــا

ثـم اختفـى داخـل زحــام الحـراجـيذي حالـةٍ ..والخافـي "امـر وادهــى"

غازي بن عجاب ابو زوايد
هذا الاسم الذي يعني لي الكثير بلا قصور بعيال راشد ...
لكن هذا الرجل يخجلني بفخامة الوفاء وصدق المحبه واستدامة التواصل ...
لايمر اسبوع الا ويتصل بي سائلا ومتطمئناً ...
وامام هذا الوفاء والصفاء لا أجد الا الكلمات ولعلها تفي بالمراد ...

الـحـب للوافـيـن مـاهـو مـحــدّدمثل الفضـا فيـه اتسـاع ورحابـه

وانتـه يابـو فيصـل غـلاك يتـجـدّدمثـل الربيـع اللـي يجـدد شبـابـه

عسـاك دايـم ياعـزيـزي مـسـددوموفـقٍّ يـوم المسـالـك تشـابـه

لــو المـزايـا كــل يـــومٍ تـعــددغطّيت من طيبك جميـع القرابـه

يوم الـردي لاجيـت عنـده مخـددانت البشوش اللي ينومس جنابه

ولا هـي غريبـه وانـت حـرٍّ مـرددمـن راس عـودٍ مـن يـودّه يهابـه

(عجابـنـا) يــوم النـواصـي تـلـددياحـظ مـن ينصـاه ثـم اعتـزا بـه

وراشد سنام العز من بـه تشـدديحـق لـه يفخـر علـى كـل لابــه

العـزوه اللـي مـن غـلاهـا يتـبـددوضعٍ يسبـب لـي خمـول ورتابـه

تأبى المشاعر وهي ترى مايجري في بلاد عمر المختار...
تأبى ان تستكين للخور ومجرد الفرجه ...
امام مايقوم به هذا السفيه في الميدان وما يتشدق به في قناته القذره ...
ومحاولاته المستميته للعب على وتر القبليه والطائفيه البغيضه ....
اهدي هذه الابيات الى ذلك المحنط بين الركام والحطام ...

رومـا حرقْهـا بـاول الوقـت نيـرونوانـتـه شبيـهـه ياخبـيـث الفـعـايـل

احرقت شعبك والخلايـق يشوفـونوتثيـر مـن حقـدك جمـيـع القبـايـل

ملعون واللي يقتـدي فيـك ملعـونومــن الـشـراذم يتبعـونـك قـلايـل

متعلّـقٍ فـي خيـط واهـي وممهـونولاحسبت حسـاب وقـت الصمايـل

حب الامل غـرك كمـا غـر فرعـونوآخــر حصيـلـك بالنهـايـه فشـايـل

يالـلـي تـهـدد بالصـواريـخ شــارونامطرتهـا مـن فـوق شعبـك همايـل

وين العرب؟! صاحيـن والا يغطـونماكنـهـم يـوحـون نـــوح الـعـوايـل

كيف ماتت النخوه والاطفال يبكونو(مدمّـر القـذاف) صـايـل وجـايـل

ياحفاد مختار العرب كيف ترضـونوانتم رجال الحرب واهل الشمايـل

وشلون يحكمكم من الناس مجنونعشرين مع عشرين ظلـم وهوايـل

تحرروا من عقـدة الخـوف تكفـونحـريــةٍ مـادونـهـا حــــال حــايــل

الا تـدوســون الـخـطـر ماتـهـابـونوعـن الهـدف ماترتضـون البـدايـل

حـلّـت مواقـيـت الـفـرج لاتـوانـونوالفجـر لاح وداجــي اللـيـل زايــل

مـار استعيـنـوا بالعـزايـم تـفـوزونوامشوا علـى نهـج الجـدود الاوايـل

وتوكلوا علـى الولـي خالـق الكـونالـلـي عطـايـاه الكـثـيـره جـزايــل

مايستحق العيش من يرتض الهـونوالـيـوم بيديـكـم جمـيـع الوسـايـل

والمسلميـن بكـل الاقطـار يدعـون"الله يـرد الكيـد فـي نحـر صـايـل"

في خضم هذه الفتن المتلاطمه واختلاط الحابل بالنابل ...
لامكان الا لاصحاب العقول الكبيره والمدارك العظيمه ...
وعندما يستشعر المسلم مسؤوليته ويفهم معنى الصحة في الابدان والامن في الاوطان ..
هنا يتبادر الى ذهنه معنى قول الباري عز وجل (( والفتنة اشد من القتل ))
ولهذا اهدي ابنائي الشباب هذه الخطرات المقفاة .......

شبابـنـا يـاهـل العـقـول السلـيـمـهماخاب من يمشـي علـى نهـج دينـه

روس الفتن عـدّت بـراس الجذيمـهمـار السكيـنـه ياشـبـاب السكيـنـه

مـن يوقـظ الفتنـه عليـه الجريـمـهتـبــدا شـــراره والنـهـايـه حـزيـنـه

وعـواقـب الفتـنـه عليـنـا وخـيـمـهلاتتبعـون اهــل الـهـوى والضغيـنـه

ماوحـدتـنـا الا الـعـهــود الـقـديـمـهوحـب الـوطـن والـديـن متوارثيـنـه

لاتـتـركـونـه لـلـحـواسـد غـنـيـمــهمن عقب ما انتـم عـزوةٍ محتمينـه

وسـور الوطـن لاينفتـح بــه ثليـمـهثـم تدخـل العـدوان مـن كـل عِينـه

الامـن لـه عـنـد العـواريـف قيـمـهيـدري بهـا مــن اصبـحـوا فاقديـنـه

كـانـوا بنعـمـه والـمـوارد عظـيـمـهثـم عقبـهـا صــاروا بـحـالٍ مهيـنـه

وعقب الامـان اللـي ركونـه قويمـهللخـوف والارهـاب صــاروا رهيـنـه

ولا اظن من عنـده كرامـه وشيمـهيرسـم عـلامـة ذل باعـلـى جبيـنـه

وحسن التصرف للرجـال الحكيمـهمايقطـعـون حـبـال وصــلٍ متيـنـه

يـامــا تـذوقـنـا الـمــراره الـيـمــهمــن طغـمـة الارهــاب ياخابـريـنـه

هــل ترتـضـون ان الايــاد الاثـيـمـهتعبـث بمكـه مـع ربـوع المدينـه؟!!

مـار الحـذر تــرى القـيـاده حليـمـهوان وصلت الحلقوم فالحلم وينه !!

ومـن لاحسـب بالمعركـه للهزيـمـهماينفـعـه عـقـب الـفـوات الغبيـنـه

********

الى احفاد عمر المختار ، ابطال ثورة ليبيا

يامطارد الاحرار في كل "زنقه"!!وانت الاسير اللـي بداخـل خرابـه

كشفت عن وجهك قناعه وحنقـهيوم انتفض شعب الشهيد وشبابه

ترعد بصـوتٍ فيـه خـوفٍ وخنقـهوشجاعتـك مابيـن ربــع وقـرابـه

يامعتبر نفسه على الكون "كنقه"تقود لـك شلـة لصـوص وعصابـه

انت الـذي حطيـت نفسـك بزنقـهوبيتـك مشـرّع لـو تعـاوت كـلابـه

والله مايكـفـي يـالاحـرار شنـقـهالا علـيـه يـقــام حـــد الـحـرابـه

واليا انصلب دوسوا بالاقدام عنقهثـم احرقـوه برزمـةٍ مــن كتـابـه

اخي وصديقي /عبد الرحمن بن محمد بن علي بن جضعان اتصل بي وبشرني
بحصوله على البكالوريوس(ادارة مستشفيات) فكانت هذه المشاعر المتواضعه اهديها لابي راشد ..

بـشــارة ٍ مـاهــي بـمـثـل البـشـايـرنـجـاح ابــو راشــد كبـيـر المـقـامـي

يـوم ان بعـض النـاس همّـه صغـايـرانـتــه هـيـامـك بـالـعـلا يالعـصـامـي

ويـوم ان بعـض النـاس حايـر ودايــرانتـه عزومـك مثـل صلـب الرخامـي

ويوم ان بعض الناس يخشى الخسايرانـت بسبيـل العلـم انــدى الكـرامـي

ومـا دمـت ياكحيـلان بالـدرب سـايـربـاذن الولـي لتنـول اغـلـى وسـامـي

شعـور اخـوك الـلـي تـكـن الضمـايـروالصـدق يغنـي عـن كثيـر الكـلامـي

الشعر هوايتي ... وليس حرفتي
قلته صغيرا ...وعشقته كبيرا
اكتسبته منهم وراثة ...ولم تستهويني منه الحداثة
وصلت الى سنامه ...ولم امسك بخطامه
أراه مرتقاً صعبا ...ولا احبذه مرتعاً خصبا
اهيم في جزله وجميله ... ويؤلمني غثه وهزيله
وعندما يختلط الحابل بالنابل لا اتمالك نفسي ... ومجبراً اقول :

الشـعـر ياالشـعـار مـاهــو مـهـايـطاو مـسـرحـيـه والاداء بـهـلـوانـي !!

ولا هــو مـجـرد هـــرج والا لـقـايـطيرضي غرور النفس واهل الاغاني !!

ولا هـو غمـوض فيـه رمـز وغمايـطمثل الحجاوي في قديم الزمانـي !!

الشـعـر قـمّـه والمـواهـب وسـايـطوابـلــغ وسـيـلـه لابغـيـنـا الـبـيـانـي

فـيـه الاصـالـه والـنـزاهـه خـلايــطواجمل قواف الشعر واحلى المعاني

ولولا الحواسـب والذكـاء والخرايـطمايـدرك الطـيـار ويــن المكـانـي !!

ولانـي مـن اللـي يتبعـون السقايـطالوضع مكشوف ٍ نشوفـه عيانـي !!

والشـق واسـع مانفـع فـيـه خـايـطقامت توايق منه .. صمع الاذانـي !!

البارحه وفي ليلة من اروع الليالي وفي استراحة(روعه) في طريف الاسياح ....
كان هناك الوصل والتواصل والكرم والمكارم والعرف والتعارف ....
وقد تشرفت بعدة اضاءات منها :
1- حضوري لحفل اخي الشاعر العذب / مرزوق بن مضحي العويني الفريدي وتلبية دعوته ...
2- مقابلة الابن والزميل مشعل المجالس- وهواحد المعازيب -وكان نعم الرجل خلقا واخلاقا ...
3- كان لي شرف تقديم فقرات الحفل بطلب من اخي ابا عماد فلله الحمد والمنه ...
وقد كان حفلا ناجحا بكل المقاييس ومشرفا للقبيله لحضور رجال من خارجها ومن عدة قبائل ....
وهذه كلمات عاطفية متواضعة شاركت بها مع بداية الفقرات :

بسـم القبيلـه والمـعـزب والاسـيـاحوبسم الرجال اللـي تحـب الشكالـه

يامرحـبـا ترحـيـبـةٍ عـطـرهـا فـــاحبـاهـل الـوفـا والمرجـلـه والجمـالـه

بضيـافـة الـلـي للمـهـمـات نـطــاحويمـدّ مـن يمـنـى الـرهـا والجـزالـه

مرزوق نهـر الجـود ماهـو بضحضـاححــرٍّ مشاكـيـل الـرجـال تعـنـا لـــه

راسٍ فـريـدي مــن المـجـد مـــوّاحوليا انتسب في حرب وصلت حبالـه

طيب وكرم مع اجمل اخلاق وانصاحياسـعـدي بـراشـد وصـفـوة عيـالـه

وربــي محييـكـم عـــدد بـــارقٍ لاحيامشاركـيـنـه فـرحـتـه واحـتـفـالـه

والله يديـم ازهـا الليـالـي والافــراحفي عهـد ابـو متعـب ووراف ظلالـه

وهذ القصيده القاها الشاعر في حفل زواج ابن الشيخ / زيد بن حماد في طيبة الطيبه

هب النسيم الشمالي وانتشـت طيبـهدارٍ رسـخ حبهـا مــن حــب صاحبـهـا

هفهـف علـى حفـلٍ ضيوفـه معازيبـهوالعـود الازرق سامـكٍ مـن مطايبـهـا

مـده عـلـى شـيـوخٍ تـقـدّر مواجيـبـهروس الطنايـا اللـي كــرامٍ مناسبـهـا

احفـاد شيـخ الـجـود نهـجـه وتدريـبـهودون المـبـادي دوم تفـتـل شواربـهـا

ماغـاب عنـا صـوت حـاتـم وترحيـبـهومهـار زيـد الخـيـل حفـيَـت غواربـهـا

تاريخهـم مجـدٍ والافعـال تـومـي بــهمـن الجزيـره لا جبـل طــي منجبـهـا

شمر سناعيس الوغـى سمعـه وهيبـهالعـزوه اللـي مهجـة القلـب تسلبـهـا

انسـاب شيـخٍ لا تكلمـت امــاري بــهزيـد النشامـا كــل الامـجـاد كاسبـهـا

شيـخٍ يمينـه جزيـل المـد تصخـي بــهوراع الصيـان الـلـي كـبـارٍ مقاضبـهـا

اللـي بـنـى مـجـده بعـالـي مراقيـبـهرغم الظـروف القاسيـه فـي تكالبهـا

حرٍ كسب طيبـه مـن اعلـى مجاذيبـهمـن راس عـودٍ منسبـه فـي ذوايبـهـا

ويامرحبـا فـي دار حـرب ومحاريـبـهقبيلـةٍ طيبـهـا مــن طـيـب مشربـهـا

حـرب الحرايـب يـوم صالـي لواهيبـهيـوم القبايـل حبـل الاطـمـاع يكربـهـا

دون المواجب غالي العمـر نفـدي بـهودون الخوي والجـار نركـب صعايبهـا

نحمي حمانـا لختلـط صـوت ومصيبـهوناطا حمـا اللـي مـن هقاويـه يقربهـا

وليـا دعـانـا داعــي الـواجـب نجيـبـههــدات اســـودٍٍ جـايـحـاتٍ صوايـبـهـا

امــدح ومـدحـي واصــلاتٍ منـاديـبـهوحـق القبايـل فـوق عينـي وحاجبـهـا

شاعر مواقف نوب الافكار تـدوي بـهلو تعترض لـه حـدب الامـواج يركبهـا

والاّ حاضـرنـا مانبيـعـه ونـشـري بــهناخـذ صفـا الماضـي ونتـرك شوايبهـا

خـيـمـة وطـنــا ثـابـتـاتٍ منـاسـيـبـههوج العواصف مـا قـوت يـوم تقلبهـا

فـي ظـل حـكـمٍ ماشكيـنـا مخاليـبـهديـرة هــل السـنّـه وتوحـيـد شايبـهـا

بقـيـادة الـلـي حبـنـا مـابـلـغ طـيـبـهاللـي جهـوده للـوطـن مــن يقاربـهـا

عبد الله الفيصلي والكـون يـدري بـهوعضوده اللي علـى الصعبـات دربهـا

وصلوا على خير مبعوثٍ سكن طيبـهكل مااشْرقت شمسٍ ومالت لمغربها