ديوان الشاعر خلف الفريد ( قصائد )

هذه القصيدة قالها شاعرنا بهذه المناسبة

حرٍّ كسبت الطّيب من طِيب عَودكومـن عَودنـا الاول ذرا كـل بــردان

دارك عزيـز وكلـنـا مــن شـهـودككـلٍّ يدلـه مـا يـبـي شــرح عـنـوان

وان سـهـل الله كلـنـا مــن ورودكيامدهـلٍ للطّـيـب ، ربــعٍ وضيـفـان

هــداج تيـمـا واحــدٍ مــن عــدودكوعندي على ما اقول خبره وبرهان

قبلـك مطـر بامجـاده اشتـد عُـودكنعم الاثنيـن اللـي لهـم بالثنـا شـان

يقولهـا اللـي واحـدٍ مــن عـضـودكيوم سنحت لـه فرصـةٍ يابـو راكـان

هذه القصيدة قالها شاعرنا بهذه المناسبة ويقول

عبد الله بن راشد بن سدحان
هذا الاسم الفخم ....
وما يعجبني فيه اكثر اكتنازه بالحب والوفاء والصراحه....
واليوم صافحنا بحروف من ذهب اختلطت فيها

مشاعر الحب وصلة الرحم ...

فاليه اهدي :

عبد الله الراشد خذ الـدرع والكـاسالفـارس اللـي فـاز وانهـى المهـمّـه

فارس مشاعر وابيض القلب نبراسرسم لنـا صفحـات فـي صـدر قمّـه

ابيـات شعـر ٍ كنهـا اللـول والـمـاسثـم حطـهـا تــاج عـلـى راس عـمّـه

قريتهـا بامعـان محـبـوس الانـفـاسينـزف يـراعـه حــب والحـبـر دمــه

هذا الوفاء ياطالب ٍ صدق الاحساسيـوم ان بعـض النـاس خـفّـار ذمّــه

وابـو علـي ذكـره ينومـس تنومـاسالـلـي مـثـل هــداج دايـــم مـجـمـه

يفداه مـن يعطـي معاذيـره اجنـاساللـي يحـطـك بـيـن فتـحـه وضـمّـه

اليا نصيته يضرب اخماس باسـداسويعـيـش هــاك الـيـوم كـلّـه بغـمّـه

لابــاس يـاريـف المسايـيـر لابـــاسلـك الشفـاء مـن عـنـد ربــي يتـمّـه

وهذه قالها بهذه المناسبه :

قـالـوا تـغـزّل وانــت "جـــدٍّ كـبـيّـر"دربٍ تحـلّـم فـيـه مــا تستطيـعـه !!

مـا يسلكـه يـاكـود ممـهـون "صـيّـر"مع الطخامـه فيـه "عـرف وخديعـه"

واللـي بسنّـك يابـن الاجــواد "خـيّـر""متغـانـمٍ "بــاق الـلـيـال السـريـعـه

قلـت اسمعونـي علّـة ٍ بــي "تحـيّـر"عـنـد الاطـبـاء شخّصـوهـا "طبيـعـه"

قلبـي "خضر"مـاقـدر اعــدّل واغـيّـركل ما بغيـت اطوّعـه صـرت اطيعـه

والـيـا شكـيـت الـحـب قبلي"كثّـيـر"و"جميل" و"المجنون" و"ابن الربيعه"

و"النمـر بـن عــدوان"و"ام الغـريّـر"و"عـيـون علـيـاء" خاتمتـهـا شنيـعـه

واللي سلـب عقلـي وروحي"صغيّـر"اللـي عـن التوصيف"صـوره بديـعـه"

ياعـيـون ريــم ٍ "بالمـحـازه" مـذيّــرلـــو دونـــه اسوار"الحمايه"مـنـيـعـه

ممـا بقلبـي صـرت اجيهـم "مسـيّـر"واقـول ياقلـب "الرجـا ولا القطيعـه"

عــود ٍ مشـقّـى وعـادتـه "مايتغـيّـر"ولا يخالف احكام الهوى و"الشريعـه"

ضــارٍ عـلـى بــدع القوافي"مضـيّـر"خـريـف عـمـره يحسبـنّـه "ربـيـعـه"

لاتجرحـونـه بـ"انــت عـــود ٍ كـبـيّـر""بصـري" عرفنـا قصتـه مـع صنيعـه

هذه القصيدة خاصة من شاعرنا القدير ويقول فيها بعد ماسالت عنه عن اخباره

هلا هلا بولدي مزعل بل مفرح منذ اليوم ....
الله يمسيك او يصبحك بالخير ..حديهن والله مادري وش وقتكم ...
اليوم الاثنين ابشرك اخبارنا زينه وحلوه وجائني من طيبه الطيبه ابن العم سالم بن سمير الفريد
وعزّمت انا واياه والاخ الحبيب عبد الله بن ناصر بن فلي بن راكب نقلع اليوم على (تمساح) باتجاه
سدير حيث الربيع ثم نسندها على النفود ونزور الاخوان /نايف بن جازي بن راكب واخوانه عند ابلهم
ونفلها يومين ، وبعدها نشوف وش يصير بآخر هالاجازه .....
بشرنا عسى الحرايق طفت ...
وعسى الربيع زين ..وعسى دفيتم ..وعسى ...

وياليتنـي بديـار مـزعـل وربـعـهاباتـعـلـم واسـتـلــذ الــدراســه

دراسـةٍ مابـيـن دخـلـه وطلـعـهحــرٍ مـحـرّر ماعلـيّـه حـراسـه

اكلتـهـا مابـيـن رمـعـه ورمـعـهفي مجلس الالغاز رمز الفراسه

ابي اولع في شقى العمر شمعهولا يهمكم العـود يلقـى مقاسـه

تكفون ويكفيني خميسٍ وجمعـهمن عودكم ياعيال هذا التماسـه

ولايهمكم ضعفٍ بشوفه وسمعهيدل دربه مع ضجيـج وحساسـه

هذه القصيدة قالها شاعرنا موجهها الى مزعل الفريدي (ابو وسيم)
والاخ نواف الفريدي في استراليا .....

اوجــه لمـزعـل حـــروف القـصـيـدهولا وصلتـه يـوصـل سـلامـي لـنـواف

بـعـد التـشـاور والمـسـاع الحـمـيـدهاسست مشروعٍ من اظلاف واصواف

حطيـت لـي شبـكٍ ورا عـرق ضـيـدهفـي سهلـة يامسنـدي مالهـا اوصـاف

وابــو عـمـر شــرى الـديـنّـا جـديــدهوحط الجراكل في ظهرها لها اصناف

مـع خيـمـةٍ فيـهـا المقـاضـي فـريـدهوبقي لنـا الراعـي مـع نعـاج وخـراف

وانـتـه فـهـيـم وعـــارفٍ بالـسـديـدهالـسـوق نــار وسقفـنـا فـيـه وكّــاف

وانـا وابـن جضـعـان تـحـت الحـديـدهنـبـي نغـامـر مــا ربــح كــل خــواف

نـبـي نـجـي لـــو المـسـافـه بـعـيـدهنبغا رخيص الماشيه وانـت عـرّاف !!

ولـكــم الـدلالــه والـثـنـا بالـجـريـدهبخـطٍ عريـض بكـل الاقطـار ينشـاف

و ليـت الظفيـري يـوم بـيّـن رصـيـدهقال اربعـه مـع خمسـة زيـاد تنضـاف

وقـال لفـهـد مــع التميـمـي وعـيـدهنبي نشارك مع خلف عـون واشـراف

هذه قصيدة من شاعرنا ابو القلب الكبير ويقول

وجدت لابي عمر مشاركة بعنوان (ياناس ...)
فأغراني الطاروق والمطروق ..فلم استطع لجم المشاعر ..وهل يلام شاعر ؟؟!!

يـابـو عـمـر يــا عـديـل الـــروحلـقـيــت لــــك "درّةٍ" دوبـــــي

فيهـا العـواطـف تـجـي وتــروحوتضـرب علـى لحـن مسحـوبـي

امـا انـت صـادق وحبّـك "فـوح""وجـــدٍ" بـالاعـمـاق مشـبـوبـي

والا ان شعـرك بـهـا "مصـلـوح"يمـكـن مــن " الام" مـرعـوبـي

آسف "وفـاء" والغلـط مطـروح"مـانــفّــرق" ارواح وقـلــوبــي

مار صح لسانك "وقل " مسموحالــعــود غــالـــب ومـغـلـوبــي

هذه القصيدة من شاعرنا الكبير وسوف تبقى الى مر من الزمن يتذكرها كل الاجيال الذين سوف يمرون على هذه المجالس المباركة ويقول فيها شاعرنا

اخوتي وابنائي
الى كل من اعطى وبذل ...
الى كل من لازال يعطي ويجود ...
الى اصحاب الجهود الكبيره والقلوب المنيره ....
الى كل من ساهم في بناء هذا الصرح ...لبنة لبنة
اهدي هذه المشاعر البسيطه
******************

اقـــول قـــولٍ فـيــه مـانــي مـــزوّروقــول الحقـيـقـه واجـــبٍ نستـحـبّـه

تـصـعـد مجالـسـنـا شـمــوخ وتـطــوربسـواعـد رجـــال الـوفــاء والمـحـبـه

مـافـيــه تـقـصـيـرٍ ولا بـــــه تــهـــورالا انـهــم فـيـهـم طــمــوحٍ و"هَــبّــه"

يـديـرهــا صــفــوة رجـــــالٍ تـــــدورمـايـشّـرف اســـمٍ للقـبـيـلـه نـحـبــه

هـذا ابـو فيصـل شـاد حـصـنٍ مـسـوّرثــم صــار لــه مفـتـاح بــابٍ وضـبّــه

ومنـصـور مشرفـنـا الامـيـن المـطـوِّررمــز الـوفـا والـحـب "يحمـيـه ربــه"

حــرٍّ رضــي حـمـل الامـانـه "وثـــوّر"وزوزع بـهـا بليـهـان فـــي راس تـبّــه

والـذيـب ابــو راكــان مـاقـطّ "غــوّر"بـحــرٍ مـــن الابـــداع عـمـيـق غِــبّــه

والشـيـخ ابــو مـالـك سـيــاجٍ مـــدورعـلـم وصــلاح وللمـجـالـس" مـنـبـه"

والـخـال ضـيـف الله بطـيـبـه تـســوراعـلـى بـنـاء وقـلــوب كـــل الاحـبــه

وابــو عـمـر مـثـل الـســراج الـمـنـوريـرسـم ابـداعـه كالـقـلايـد ب" لـبّــه"

وابــو وسـيـم جـهـود فــوق الـتـصـورمثـل الـذهـب يــوم المصـاهـر تصـبـه

والراكبـي مـن طيـب ساسـه "تضـوّر"ولا يـسـد جـوعـه غـيـر طـيـب يـعـبّـه

ومشعـل مجالسـنـا دخلـهـن و"جَــوّر"(انـي بصـرحٍ شامـخٍ مــا انغـلـب بــه)

وابـن دخـيـل الله لـيـا" اقـلـع" وكــوريـلـقـي ورود بـكــل مـجـلـس يـطـبـه

وطـــلال بـــن حـمــاد مـــوجٍ تـــزورطيـبـه اصـالـة جــد مـاهــو" تـشـبّـه"

وابـــن بـــدر وجـهــود مـــا تنـتـصـور"رحــال" كــم دوٍّ مـشـاه ولـعـب بّــه

وهـاك الرجـال اللـي "بطـاهـم" يـعـوّرومـن طـول الغيبـات يضـرم ل"حبـه"

ولا انسـى بنـات الـعـود مـانـي مـخـوِّرزهــور الربـيـع الـلـي خفـيـفٍ مـهـبّـه

اسـمــاء عـزيــزه بالمـجـالـس تـنــوّرمــن شرّفـنّـا مــا لحقـهـن "مـسـبّـه"

خصصتـهـا والـجـاش حــبٍّ " مـفـوّر"والا الجميـع انـوار فـي وســط" قـبّـه"

وكــل رصـيـده بـيـن ربـعــه مـصــوّرقـولـي شـهـاده والمـجـالـس" تـنـبّـه"

فيكم صخرت الشعر غصبٍ على( اوّر)لــو الـقـواف الشـايـبـه تقـتـلـب بّـــه

___________

هذه قصيدة لشاعرنا الكبير يقول فيها

حضور مناسبات الجماعه وخصوصاً اذا كانت بدعوة كريمه ، من اكبر الواجبات على المدعوين ، وقد تشرفت -بدعوة كريمه-من والدي الشيخ/خالد بن فالح الشطيربحضور حفل زواج حفيده الكريم الابن/ فواز بن فالح بن خالد الشطير مساء يوم الخميس الموافق4/3/1431هــ في عقلة الصقور العامره وكانت لي هذه المشاركه:

بسـم الكـريـم الـواحـد الخـالـق الـهـادهو منزل الرحمه وهـو صاحـب البـاس

فـي قدرتـه سبـعٍ رفعـهـن بــلا عـمـادوسبعٍ بسطهن وانخـزى كـل وسـواس

هـو خيـر مـا ابـدى بـه والافكـار تنقـادومنـه استمـد العـون لا صـار هوجـاس

وســلام تسلـيـمٍ بــلا حـصـر واعـــدادومـطـرزٍ بالـحـب وعـقــود الالـمــاس

والليـلـه العقـلـه غــدت نــور واعـيــادتضحك طرب مع ذعذعة كـل نسنـاس

وزوارهـــا لـبــوا مـجـامـيـع وافــــرادلدعـوة كريـمٍ مالـهـم عـنـه مـجـلاس

خالـد مقـر الطيـب مـن عهـد الاجــدادواللـي درينـا عنـه تــدري بــه الـنـاس

وفرحـة ابـو فالـح لـنـا فـخـر وامـجـادوالله وربــي مــا لـهـا حـــد وقـيــاس

بــأول حفـيـدٍ مـــن فـلــذّات الاكـبــادساسٍ معرّب وانبنـى لـه علـى سـاس

وللـمـرجـلـه نــــاسٍ ولـلـطـيـب روّادوللنـايـفـه راقــــي ولـلـعــز لــبــاس

ولا بـه حصيـلٍ غيـر مـن يطلـبـه جــادولا بـه حـصـادٍ دون سـاقـي وغــراس

وانتـه يابـو فالـح علـى ســرج وشــدادجمعـتـهـا مـابـيـن ديــــنٍ ونــومــاس

وان صارت الدعـوى بهـا عنـف وعنـادوطـوّل تماديهـا حضـر" دايـخ الـراس"

مــن لابــةٍ يشـهـد لـهـم زنــد وزنـــادروس الشعب مرذين صعبات الافراس

عصـبـة شـيـوخٍ لَـحْـمـر الـمــوت ورادلاكـبــرت الـقـالـه والاريـــاق يـبــاس

والـعـز مـاهــو كـثــرة امـــوال واولادولا كــل شـبـاك يـبـا يصـيـد قـرنــاس

يامنجـبٍ حـرٍّ عــن الــدرب مــا حــاديــوم اتـخـذ نـهـج المنـاعـيـر نـبــراس

فـالــح وفـالــح لاعـدمـنــاه مـسـنــادمحـزم ابـوه ليـا ارتخـى كــل هلـبـاس

الـلـي تـشّـرف سمعـتـه كـــل نـشــادعـن محتميـن اسـم القبيلـه بالانفـاس

من مـر بالخفجـي لقـا الطيـب والـزادبيتـه مشـرّع مـا علـى البيـت حــراس

مـاهـو مـجـرد مــدح وازبــاد وارعـــاداقولهـا مـن تجربـة عـرف واحـسـاس

والليلـه الفرحـه لـهـا جـيـوش واجـنـاديالـيـلـةٍ مـبـروكـةٍ مـالـهــا اجــنــاس

ليلة فرح "شبلـه" عسـى الخيـر عـوادولعلـهـا ابــرك ليـلـةٍ بـيـن الاعـــراس

ومـبـروك يـافــواز يـاطـيـر الاسـعــاداخـذت لـك مـن موقِـد النـار مجـبـاس

فـارس وعـادة فــارس الخـيـل فــواداليا امتطى ظهـر الاصيلـه خـذ الكـاس

وياعـقـلـة الاخـيــار يــاجــارة الــــوادلاهلـك بيـاض الـوجـه يــادار الاونــاس

واعـــداد مـاهـلـت هـمـالـيـل رعــــادومـا ينـادي المـذّن وتـقـرع الاجــراس

صلوا علـى اللـي سيرتـه صبـر وجهـادمــن يتبـعـه رابــح وعاصـيـه بـفـلاس

***************

هذه القصيده قلتها عندما تواجد معنا في المجالس اخي العزيز الشاعر
مبارك بن ناصر بن حديد الفريدي .....

يـافـرصــةٍ لــــو انــهــا بـالـتـمـنـيكنـت انتظرهـا ليّـه اعـوام واعــوام

اهـنّـي النـفـس الشفـوقـه واهـنّــيعريننـا اللـي حركـه صـوت ضرغـام

واهـنــي رجـــالٍ وفـاهــم يـطـنّــيانظـر لهـم خلفـي والابـطـال قــدام

هـــلا يـابــو نـاصــر نـيـابـه وعـنــيماخطـتـه ياصاحـبـي روس الاقــلام

ومـا فرّعـن البيـض ثــم غطرفـنّـيللفارس اللي في نظرهن فتى احلام

ومـا غـردت فـيـه ام سـالـم تغـنّـيروضٍ خضـر فـيـه الزمالـيـق نــوّام

ومـا زمجـر الشعـار وغنـى المغـنّـيبالجنـادريّـة كـــل عـــام ورا عـــام

ومـا رددوه النـاس شيـعـي وسـنّـي(نبـيـي مـحـمـد وديـنــي الاســـلام)

هذه القصيدة قالها شاعرنا بهذه المناسبة ويقول

مشاعرٌ معبِّره ..... ونتاج تجربه ..
اهديها لكم احبتي ....

مـن جـرّب الايــام شــاف التهـاويـلومـا مــرّ غـيـره مــن غثـاهـا يـمـرّه

كــم ذايــقٍ منـهـا العـنـا والغرابـيـللــــو يـتـكــرّب لـلـبــلاوي تــجـــرّه

وكم حوّلت من قمـة المجـد حلحيـلمن عقب ما صـدر المجالـس مقـره

ولا توخـذ الدنيـا اعتـبـاط وتساهـيـلمـــن ذاق حالـيـهـا تـجــرّع لــمــره

يامـا بهـا علـى الاجـاويـد مــن مـيـلواحوالـهـا بـيـن الـشـقـا والـمـسـره

وســود الليـالـي موهـقـاتٍ محابـيـلخـــذ الــحــذر لا يـاخـذنّــك بــغِــرّه

لاتسوّي المعروف بـاردى الرجاجيـلوالطّـيـب لايـعـوّد عـلـيـك بـمـضـره

كـم زارعٍ لاصـار وقــت المحاصـيـلمايـجـنـي الا مايشـيـلـه ب(صـــرّه)

من يحسبن النـاس روس ومشاكيـلويـغـريـه مـنـهـم قــــول" لله دره"

وكثيـر مـدح النـاس خدعـه وتضليـلاحــدٍ لـهــا حـسّــاب واحـــدٍ تـغــره

كــم واحــدٍ تكـثـر عـزاويـه بالـلـيـلواليا اشرقت شمس الحقيقه.. مَغَرّه

وكم واحدٍ يضرب على الصدر بالحيلوالـيـا بغيـتـه لــو "تـقـصـه بـجــرّه"

وعندي عن الاصحاب جمله وتفصيـلوابـا اختصـر خـوف الملـل والتشـره

هـذا خـوي سَهَـره وسَـفْـره وتعلـيـلويـا (حلـوهـا) مــا دامـهـا مستـمـره

وهــذا رفـيـقٍ لايـشـيِّـل ولا يـشـيـلعلـى الاقـل كافـيـك خـيـره وشــره

وهـذا رفـيـقٍ ترتـخـي بــه صوامـيـلشــدّه لــو ان الـشـد نــوبٍ يـضــره

وهــذا رفـيـق مـاتـرك لـويـة الـذيـلخلـك وسـط ..مابـيـن بــرده وحــره

وهــذا خلـيـلٍ بينـهـم كـنــه سـهـيـلالــلــي مـثـيـلـه نــــادرٍ بـالـمـجـره

طيبـه وراثــه ماظـهـر فـيـه تمثـيـلولا سَـلَـك درب المـعـالـي "تـكــرّه"

ياقـل مثـلـه عـنـد ســلّ المصاقـيـليـوم "المواقـف" بـيـن كَــرّه وفــرّه

هـذا رفيقـي "ريّضـوا" ياهـل الخـيـلالـسَّـعْـد والتـوفـيـق مَـــرّه ومَـــرّه