ديوان الشاعر : حمود بن محمد العويني الفريدي

المشاركة الأصلية كتبت بواسطة منصور الوسوس

المدح باب من ابواب الشعر وهو موضوع حساس جدا وخصوصا
في هذا العصر الا انه يشارك المجتمع الشاعر عندما يصوّب سهام
مدحه لرجل يستاهل الثناء وهذا حال شاعرنا حمود العويني
عندما اثنى في قصيدته التاليه على شاعر قدير ورجل من مشاهير
عيال راشد وهو الشاعر الكبير : شريف بن محمد بن راكب ذلك الرجل
الذي يستحق الثناء والمدح واعدكم ان نتابع ابن راكب اذا كان هناك
رد على هذه المقطوعة الادبية ::::

أشهد انك يا شرف سريت خالك=حزةٍ فيها الردي ماسر خاله
بارك الله في عملك وفي حلالك=دايمٍ بالضيق وقفاتك جلاله
جعل وال العرش ما يقطع وصالك=فزعتي كان الردي عيا بماله
طبت في فعل الجميل وطاب فالك=والثناء يستاهله راع الجماله
المدايح ما تعشق إلا مثالك =حيث طيبك يا ولد راكب سلاله
يرتفع راسي اليا جابوا مجالك=ارجحٍ عند اللزوم بكل حاله
الحمّوه في رفيقك من جمالك=والخصيم تنوخه وتهد جاله
ياجزيل القول لا عدوا مقالك=يوم كلٍ يفتخر باطيب حلاله
انتفاخر فيك يوم انّا خوالك=ماكرن مشهور والمنسب جزاله
ان نصيت أنصا وفيين المسالك=وإن مدحت أمدح مواريث الرجاله
واتشيّم عن مواريد التهالك=احمد الله بالصقط مالي عماله

>>>>>>>>>>

المشاركة الأصلية كتبت بواسطة منصور الوسوس

الشيخ : علي بن ضبعان الميسوي الفريدي احد مشاهير قبيلة حرب
في العصر الحديث جمع العديد من الصفات الحميده التي يشهد لها
الجميع ويعد من كرماء الفردة وقد كتب الشعراء فيه العديد من القصائد
التي سوف اقوم بنقلها قريبا باذن الله تعالى ....
وقد وجدت هذه الابيات للشاعر حمود العويني وهو الشاعر
المبدع دائما حيث قال فيه :

ياللي تبون النعم ماهو بمجان=النعم مرقابن عسيرن مطلي
صعبن على اللي يدع النعم بهتان=كود الذي له فالمعالي سجلي
يستاهله لاقلت مثل ابن ضبعان=راعي حجاجن دايمن مسفهلي
ابو هلا لامن ولد الردي شان=جاه اوجاه ومجلسن مايملي
انا ما اقول القول من دون برهان=الناس تدري والحقايق تدلي

وعندما يمدح الشاعر رجل مثل الشيخ علي بن ضبعان فانه يجد الكثير
ممن يوافقونه لانه رجل كفوا ويستاهل المدح والثناء وقد وردني
اتصال من الشاعر : عبدالله بن سمير العوما وارسل لي هذه الابيات
مجاراه للشاعر حمود العويني احببت ان اضيفها مع الموضوع الاصل
فاليكم اهدي ابيات شاعرنا القدير ابو فايز

قافن سمعته لأهل الجود عنوان=من عند أبو ناصر زبون المتلي
عز الله انه في معانيه مليان=واللي ذكرته بالهدف جايزلي
المدح بأهل الطيب مطلب بليهان=وإلا ردي الخال خله يولي
حاشاك وإلا انته سلايل كحيلان=أصل االاصيل الطيب عنده جبلي
ماضيك عن حاضرك يشهد بماكان=ياحمود لك عندي بياض السجلي

>>>>>>>>>>

[align=center][quote=منصور الوسوس;29893]هذه مساجلة جميله جدا بين الشاعر الكبير حمود العويني

والشاعر المبدع العذب / عبيد بن نهار الفريدي والاخير سوف

اقوم بزيارته من اجل ان امتع الاحبة متذوقي الشعر النبطي

ببعض قصائدة واللتي تكون دائماً في غاية الجمال نظرا لما يتمتع

به الشاعر من غزارة المعنى واللتي سوف توافقوني عليها عندما

تستعرضون رده على الشاعر حمود .

حبيت راس عبيد من طيب قافـه=عز الله ان عبيد بالشعر بيطـار
ياسامعي كـانٍ عنـدك حرافـه=لاضفت الالف لوالده يطلع انهار
يازين نظمه للمثل يـوم حافـه=تقول من غال الجواهـر والادرار
الشرّد الفـرّد عسفهـن عسافـه=اللي لهن عند اهل العرف مقـدار
والا قليل العرف عنـده حسافـه=وراع الولع ياعبيد عنده لهن كار
الجوهر الغالي صعيب اكتشافـه=كود الذي مثلك بعيدات الاوكـار
يابعد بالشعّـار فـرق المسافـه=لاشك مايدرون عميان الابصـار
احدٍ بنظم القيـل عنـده كلافـه=واحدٍ اليا من قال قيله طلع عـار
بعض قصيد اليوم نفسي تعافـه=لامبيـنٍ حكمـه ولافيـه تعبـار
كل الكلام اللي يجيبـه سخافـه=في فكرتي لوتختلف فيه الافكـار
وسلمت يامن شاقني صوغ قافه=من غيهبٍ جوهر معانيـه فـوّار
ياعبيد كل اللي تقولـه طرافـه=الله يبقى فيك يـاواف الاشبـار
يابو محمـد ياحريـب الضعافـه=ارج السموحه منك يانسل الاحرار
وعداد مايسعـى وكمّـل طوافـه=ازكى سلام لقايد الغـر الابـرار

وهذا رد الشاعر عبيد بن نهار الفريدي على العويني حيث يقول .

قدر الوفاء ياحمود ماهـي زهافـه=ومن طيب ذاتك يابعـد كـل قمـار
ابيض احساسٍ ناصعٍ مـع نظافـه=ميدان ميـراد المشاعـر ومصـدار
لبّستني تاجٍ علـى الـراس شافـه=اللي حضر واللي قراهن بالاسطـار
روايعٍ من نقـد سـوق الصرافـه=واحد وعشرين الذهب قيس وعيار
منظـوم بـرديٍ ويحمـل اغلافـه=توقيع يمنىً ما تجيها سنـى النـار
يمنىً تجود بوقت قاسـي اعجافـه=يمنى حمود الطايله سـر وجهـار
ياريف هتاشٍ مـن البعـد ضافـهيوم الردي لاضافه الضيف يحتـار
الشعر زهـره قـد قطفتـه قطافـه==قبلي نظمت من اجزله عذب الاشعار
بحرٍ تباعـد غبتـه عـن طفافـه=اليا صفق كنه غضب ريح الاعصار
من زرق غبات المحيـط اكتشافـه=بمتابعة عبر الفضاء كـل الاقمـار
مامر فـي دربـه تمثنـى وطافـه=عنه اعلنوا حال الطواري والانـذار
لك في رجومـه وقفـةٍ وانحرافـه=ولك في صحاريه البعيدات معبـار
تصـوغ جزلاتـه بلـيـا كـلافـه=ماتجبر المعنـى بتركيبـه اجبـار
ولولا التضارب بالنظـر واختلافـه=كان السلع بارت وسوق السلع بار

>>>>>>>>>

اسعدني اتصال الشاعر الرائع دائما / عبدالله بن سمير العوما وافادني بانه

شارك مع الشاعرين وجاراهما بالابيات التالية وولايسعني بهذه المناسبة الا ان اقدم عظيم

الشكر والامتنان للشاعر ابو فايز (( الجديد )) .

على اهتمامه ومتابعته للمجالس حيث انه من افضل الشعراء الذين اتصلت بهم

تشجيعاً محبةً لمجالس عيال راشد ....

بسم الـذي امـره بنونـه وكافـه=ربٍ خلـق متكفـلٍ رزق الابـشـار
نرجيه ونطلـب رحمتـه والمرافـه=بيومٍ عبوسٍ شاخصه فيه الابصـار
من بعـد ذكـره نستعيـن ونخافـه=ونساله التوفيـق مـع كـل معبـار
وهيضني المعنـى بـدون انجرافـه=ولاني من اللـي يدفعـه كـل تيـار
قافٍ لبـو ناصـر جديـد الصرافـه=وعن عملـة الليـرة تخيـرت دولار
اللي نظم لـه قـاف يازيـن قافـه=ويازين نظم القاف في بدع الاشعـار
صبت الهدف ما اخطيت قول النصافه=بالاولـه والثانيـه زحـت الاستـار
بعض الكلام لاجـاك فيـه الجحافـه=بالمدح والا القدح مـا عنـه ينـدار
وعن جائزة نوبل كفتنـا الصحافـه=وانا اتكلم عنـه موجـز بالاخبـار
تبا الصراحـه شـد قافـه وحافـه=وسكر مجال النقد عـن كـل هـذار
هذي شهادة حـق مـا هـي لقافـه=ياعبيد لـك منـي تحيـات ومجـار
وشهـادة العرّيـف علـم وثقافـه=ياعبيد تماري بهـا بيـن الاقطـار

[/quote][/align]
>>>>>>>>>>

المشاركة الأصلية كتبت بواسطة منصور الوسوس

أبدع الشاعر الكبير / حمود العويني بالوفاء لصاحبه
( مجدي ) ذلك الرجل الذي لا يستغني أبو ناصر عن طباعته
لقصائده حتى جعل منه متذوقا للشعر النبطي تلاحظ ذلك بقلة
أخطائه في الطباعة رغم صعوبة اللهجة عليه ولكن تدرب
حتى حصل على رضاء أبو ناصر مما جعله يسند عليه بهذه
القصيدة الرائعة جعل مقدمتها ثناءً على الكاتب واسترسل لينظم
لنا درراً في مشكلة اجتماعيه لا يكاد يخلوا منها مجتمعاً في هذا
العصر أترككم مع رائعة شاعرنا / حمود العويني .

يابو( هبه ) وضّح حروف الطباعه=خل المعاني تستقيم بسنعها
لعل قلبك ماتجيه الاشاعه=وعسى عيونك ماتشكّى وجعها
تراك عندي من خيار الجماعه=لو أنت من ناسٍ بعيد نجعها
لاتنتقدني يوم أجي كل ساعه=النفس ماتصبر بليا ولعها
خلك وديع اليا عطيت الوداعه=الناس كشف أسرارها ما رفعها
عز الله انك حر ما أنت برعاعه=واميزٍ نفسك حلاوة ورعها
أمّجدٍ ( مجدي ) فعايل ذراعه=يقطع رجالٍ فعلها ما نفعها
عنده تفوق بالذكاء والبراعه=ذربٍ حميدات المزايا جمعها
يامجدي اكتب لي بيوتٍ مذاعه=عجّل ترا نفسي سريعٍ جزعها
الله من غيضٍ سريع اندفاعه=من غلطةٍ هراجها مامنعها
ان جيت ابينها طويلٍ نزاعه=وان جيت ابخفيها خبيثٍ وجعها
ولو اعتزي ماهي بقد الشجاعه=وينقد علي العارفه لاسمعها
مع النشاما ناقصٍ وزن صاعه=همه عروض الغافلين ابتلعها
عساه بالدنيا سريع امزاعه=سود الليالي تبتليه بشنعها
وبالاخره ياعل ماله شفاعه=ساعة حضور الخلق في مجتمعها
ياناصر المظلوم وانته دفاعه=يا راعي الفزعات عجّل فزعها
كثير ناس اليوم عدوان قاعه=الحسحسه والكذب هاذي سلعها
تبلش بهم لو انت راعي وقاعه=ترمي على ريح النميمه ذرعها
ومن صار به خوفٍ من الله وطاعه=طبيعته ماتجتمع مع طبعها
والعبد بالدنيا حياته زراعه=وكلٍ يحصد الحبه اللي زرعها

>>>>>>>>><<<<

[align=center][quote=منصور الوسوس;30442]ومع مواصلتنا لمساجلة شعرائنا من عيال راشد واللي اشترطنا

فيها ان تكون المساجلة بين شاعرين من شعراء الفرده اليكم

هذه القصيده لشاعرنا المبدع دائماً / حمود العويني ويسندها

للشاعر الكبير / شريّف ابن راكب الفريدي .

الناس ياشريّـف قصـيٍ مداهـا=ماهم على يامسنـدي ماتوقعـت
حيثٍ ما احدٍ سالـمٍ مـن غثاهـا=كيد البشر لاتامنه لـو تواضعـت
خلقٍ يا بن راكب قليـلٍ حلاهـا=مايتركونك بالسعه لـو توسعـت
لو انت مقفي ماسلمت من اذاهـا=ولاييدونـك بالسنـع لوتسنعـت
تذكـر مفاخرهـا وتقـل تجاهـا=عميا بصر تفسيرها يوم طالعـت
ماتنتعـدّل غديتـه لـو غداهـا=خبل العرب ماينتقنّع لـو اقنعـت
عفوش الرجال اللي قليلٍ حياهـا=يبون حذفي يمهم مار مـا طعـت
خل المسفـه تستشيـط بعماهـا=عن الهزيله والهزايـل ترفعـت
عسى نفوس الحقد تلقـا جزاهـا=يامن تحت عرشه وبسمه تشفعّت
لولا الرجال اللي تعـز اقرباهـا=قلت الكلام اللي ليا قلته اوجعـت
حبوس الرجال اللي يذري ذراهـا=في سمعت الغالين لااعطي ولابعت
اهل العقول اللي ملكنـي وفاهـا=اللي ليا جيبت سيرهـم تشجعـت
اولاد راشد مكرمت مـن نصاهـا=قلته وبا اقوله مثل ماقبل ذعـت
يتلون ابن حماد مـن دور طاهـا=شيخٍ بحومات الوغا ينّعت نعـت
يـوم القبايـل تفتخـر بومراهـا=سيفي ليامنّي للاضداد صارعـت
ماكـر صواريـمٍ تضـد اقبلاهـا=قولٍ على وضح النقا ماتصنعـت
دايم وغيبات الرفيـق انحماهـا=حطيت روحي دونهم يوم ذرّعـت
قومٍ جوايحها بـروس خصماهـا=وتلقا النقا في ساسهـا لاتتبعـت
كم سابقٍ منهم عطيـبٍ شضاهـا=لقال مصطور النشامـا تبرعـت
نعم الرجال مزبنت مـن نخاهـا=لي الفخـر بافعالهـم لاتطلعـت
ازعل زعلها والرضا من رضاهـا=ون حل بي ماجوبهم ماتجزعـت
والا الضعوف اللي ترهّم حكاهـا=لااقوالهـا وافعالهـا ماتسمعـت
يابايع الذمه ويـا مـن شراهـا=ماعاد ينظّفك البحر لو تسوبعـت

>>>>>>>>>>>>

وهذا مرد الشاعر الكبير شريّف حيث يقول رداً على العويني

الله مـن نفـسٍ زعلـهـا حـداهـا=قعدت اجاحـد غيضهـا ليـن ولّعـت
فزيـت كنـي والقـدم قـد وطاهـا=جمرة غضا مع غاوي الرجل وارتعت
سمعـت بالدعـوه واجبـت لنداهـا=وعيبٍ علي ان كان بالحل ما ابدعـت
والله لخـل الخيـل تقـرع احـذاهـا=اما جدعت امبارزي والا انا اجدعـت
حمـود لـه قصـه عليّـه شكـاهـا=قصة شرف مع نشرهـا قـد تمتعـت
لـه قبـةٍ فـوق الثـريـاء بنـاهـا=ولـو اشتركـت ابّنيهـا ماتراجعـت
ياحمـود رجلـك لاتقصـر خطاهـا=دامك على عـرش الحقيقـه تربعـت
لاصـار حافظـةٍ سواقيـك مـاهـا=والله يمين انك عن الحـق ماضعـت
ومـن لايعـرف الطيبـه ماقنـاهـا=والحـر يلقـى واحـدٍ يثعتـه ثعـت
واهـل النمايـم قطّـع الله اعـراهـا=ما انت الوحيد لمرهـا لـو تجرعـت
اهل القلـوب اللـي تراكـم صداهـا=اليا وثقت بعملـة الخايـن اخدعـت
عسى ارضهم تجدب ويصحي سماهـا=وتبقى مثل وادٍ اليـا جيتـه اسرعـت
عنـدي نصيحـه ياحمـود وتراهـا=وجهت نظر وللاّ انت بالصاع قد صعت
بيـر الهلالـي لاتبـيـن غطـاهـا=تراي من مـوح الدلـي قـد تملعـت
يزتّـك اللـي ماحسـب وش وراهـا=ويضحك اليا منـك لبيضـك تنزعـت
وعـن القبيلـه بالفـعـول انتـبـاه=ترقـى العـلا بحبالهـم لوتمنـعـت
قبيلـةٍ يلقـى الوفـا مـن نصـاهـا=ما هو على اني غرسها يـوم دافعـت
والله لصـادم مـن يقـرب حمـاهـا=وعيبٍ اليا مني عن الحـذف خرعـت
ماهي بعـوز لمدحنـا مـن صباهـا=ما قول انا سمكرتهـا وانـت لمعـت
وفعـل القبيلـه منتـدى لشعـراهـا=وتدوم يانجمٍ على الكـون شعشعـت

[/quote][/align]
>>>>>>>>>>>>>

[align=center][quote=منصور الوسوس;15204]السلام عليكم ورحمة الله وبركاته

باذن الله تعالى سوف اقوم بكتابة مساجلة بين شاعرين

من شعراء الفرده وهذا الموضوع ارجو تثبيته حيث سوف

اضيف اليه كل فتره قصيدتين بين شاعرين من الفرده

اذا رايتم ذلك والامر راجع للادارة ثم اراء الاعضاء

البداية هي هذه المساجلة الجميلة بين الشاعر / عبدالله بن سمير العوما الميسوي الفريدي

وابن عمه الشاعر الكبير / حمود بن محمد الحمر العويني الفريدي

هذه قصيدة موجهه من الشاعر / عبدالله بن سمير الميسوي الفريدي ( منادي )

لابن عمه الشاعر حمود بن محمد العويني

هات القلم واكتب على القاف والطرق=وسجل لنا قافٍ طرقناه طرقا
ناح الحمام ونحت مثله ولافرق=نوحي مثل نوحه ولافيه فرقا
وانا كتمت الحب ولعي مع الورق=ويزداد دمع العين لاناح ورقا
على وليفٍ محرقٍ ضامري حرق=حتى اصبحت منه المعاليق حرقا
حبه على وضح النقى ما ادرقه درق=ولاعمرها حاكت به النفس درقا
ابو ثمانٍ لاضحك كنها برق=ينتابني حبه على الكبد عرقا
طعنات سهمه بالحشى لونها زرق=من كثر زرقه للمعاليق زرقا
ياحمود اثر الناس من بينهم فرق=فرقٍ مثل مابين غربٍ وشرقا
ماقلتها كلاك ولامقصدي قرق=لون بعض الناس يخويك قرقا
مركب غرامي طابعٍ بوسط الغرق=اما حصلي اسعاف فالحال غرقا
نزّل مجاديفك ثم شويش بي وارق=بطوق النجاة لبر الامان نرقا
جتك الرسالة بسرعةٍ تسبق البرق=عبر الاثير اتجيك من غير برقا

>>>>>>>>>>>

وعندما وصلت للشاعر المبدع الكبير / حمود بن محمد العويني

ارسل مرد القصيده يقول فيها (( هذا مردي على ابن سمير وعلى

منهاج غير منهاجه لتعذر القافية على منهاج القصيدة الاولى ))

مرحبا ياللي شرح لي عن حواله=في ظروفٍ للاجابه مغلقاتي
اجتهدت بكل ما املك من بساله=مار ضاعت حيلتي بالمفرداتي
سكّر الطاروق والماجود قاله=ولي طبيعه ما اتوطا السارياتي
ابو فايز مرسلٍ ليّه رساله=ايتشكا من غرام المترفاتي
من هواء الخفرات واعزي لحاله=عقبن بالميسوي رمح الزناتي
يابو فايز جعل يفداك الحثاله=يا سليل الجود راع الواجباتي
ابلجٍ من طيب ابوه وطيب خاله=جامعٍ مع الرجوله طيب ذاتي
ياوسيع العرف عندي لك مساله=وانت حرٍ جامعٍ كل الصفاتي
الهواء يا بن سمير اترك مجاله=يوم صارن الرسوم مبيناتي
اجتهد في طاعة المولى وساله=اطلب الله بالمروفه والثباتي
كل مسلم حق يقنع في حلاله=مايطالع للطيور الطايراتي
التغزل مالنا بسوقه عماله=بايعينه يازبون الوانياتي
التغزل بالمشيب من الجهاله=كل وقتٍ له حصاد وله نباتي
لي ثلاث عقود عن الغي داله=مالتفت بالزين لو ياخذ عباتي
واختصرت القيل مالي بالاطاله=جعل ابو فوّاز ما ينسى وصاتي

>>>>>>>>>>>

واليكم ردا وجدته في المساجلات للشاعر المبدع أبو فهد سعد هذيل يقول :-

مجاراة لقصيدة الشاعر عبدالله بن سمير العوما الموجهة للشاعر حمود العويني الفريدي

والتي أردت ان انشرها عبر منتدانا العطر حيث اعجبت فيهارغم صعوبة قافيتها

قاف ٍ قريته حرك عروقي الـزرق=خلـى وريـدي ينحدربـي ويرقـا
القلب والنبظات والـدم والعـرق=تحركـن باسبـاب ذكـره لطرقـا
احترت بالافكار كيف اسلك الطرق=وواسـى العومـا بحـب ٍ تعرقـا
يذكر وليفه بالحشى سارقه سـرق=ويخشى تروح الروح باسباب سرقا
لاشك ماحدد مكانه مـن الشـرق=في نجد وإلا غرب بحـدود برقـا
وإلا مع الأشوام في ديرة العـرق=وإلا مع الأتـراك والبـاش مرقـا
وإلا على لبنـان وبنيهـا البـرق=تلع الرقاب ومشيها مشـي ورقـا
حدد مكانه يالبناخي علـى اليـرق=وابشـر بعـزك يـم داره يطرقـا
في جاهنا وفلوسنا نغرقـه غـرق=على النقا وايضا على راس مرقـا
إن طاع وإلا بالنمش نمرقه مـرق=وأنته سليم وصاحبـك بالصمرقـا

ولكم مني اطيب تحيه[/quote][/align]