هلا بالشعر دامه طـق بابـي=على الماجوب وأرهي له زهابي
يحـل بديرتـي ضيـفٍ معـزز=وأسولف به على غر السحابي
وهو والله عنيد وحـس شـارد=ليـا عمـد عليـه وإنتحابـي
إذا جيـت أبتـدي بـه وأتهيـا=تنكبنـي وجـانـي وإبتـدابـي
أنا وياه فـي صولـه وجولـه=أجي له عشق ويجيني منابـي
أزعل حضرته وأرضي غـروره=وأشد خطامه لـدرب الصعابـي
خذيته يـم طـاروق الجزالـه=أو ليا قلـت ياقومـي سرابـي
يذكرني زحـول الطيـب كلـه=عيال العود مرويـن النصابـي
لباس البأس وجبـال السرايـا=حيـودٍ مابهـم ليـن ولبابـي
ليا دقت طبول الحـرب أخيـذه=فتاهم جـن والشايـب شبابـي
وليا منا علـى هـذا سكرنـا=بسكرٍ غير سكـرك يالشرابـي
بسكر فعولنـا وخيـول ربعـي=تدك جبـال بسيـوف وحرابـي
يصيح الطفل في مهـده ويأبـى=طعـامٍ غيـر دمـان الرقابـي
وناخـذ مـن معادينـا حلالـه=ونـارد بـه ديـاره مانهابـي
وليا منـا علـى عـده روينـا=شلعناها وهم سـودٍ غضابـي
ولاناخذ غير من يعجز يجيبـه=جحافل قوم كـأزوال الهضابـي
وعلى هـذا ليـا منـا فزعنـا=يقول المستغيث العيـش طابـي
لو إنه ينتخينا لعـرش كسـرى=بحوافر خيلنـا يصبـح ترابـي
ومن جانا عليه الوقت قاسـي=يعيش بعـز مرفـوع الجنابـي
يتقاسم مالنا طيـب وشهامـه=ومن الميراث قسمه مايغابـي
يو الله يدله وينسـى ربوعـه=ويتسمـى بالفريـدي مايعابـي
وكـلٍ بالقبائـل فيـه حـقـه=على المعروف وعلوم الصوابي
لهـم بالمجـد رايـه ماتخفـى=مأضيع حـق بنهايـة جوابـي