الآن مطر على الرياض

المشاركة الأصلية كتبت بواسطة نواف بن هلال

1418 الله على السنه هاذي يابو عمر..
والله العظيم احلف وانا صايم كانت ابلنا في الأبيّض ورا عرعر حول الستين كيلوا
كنت في اجازه وقضيتها عندها ومعنى نشمي بن عبيد بن مغضب الله يرحمة ويسكنه الجنه قل من تلد النساء مثله
هو ونايف المكهف ابوعلي وضافي البدراني والشباب فله لافي ولافي وعبد الله ونايف وحمد الحيسوني وكانوا دبش حروب واجد وجميع القبايل
الله يذكرهم بالخير ويرحم الميت
كانت اجمل ايام قضيناها سواء كل ليله السمره عند ابو نايف او ضافي بحكم السن وهم الامراء (لاتفكرون انها مثل الكشته مافيه هم ولا شي؟؟وأرقد متى ماتصحي..؟
بالعكس احيانا ماتقدر تروح وتتركها اذا فيه ناقه براسها موال اي بتولد قبلها بيومين تتذكر الديار وعرق المظهور والشامه ثم دقت سلف ولالها عنه 350
كيلو .الى خمس ميه اذا انقلت
كذا شطحله تسمى (نازع) ونوب تضيع ما تلقاها وخاصة اذا كانت مزيونه) لازم تكون حريص حتى اهل الابل ينقدون عليك لاصرت راعي نوم
الكلام اللي بقوله
والله ان الخلفه شوفي بعيني يوم تحاول ان حوارها يقوم .....تروح وتجي.... وتدقه بيدها ذبحها الحليب يذرف من قادمها والحوير مترتخ ومغطيه انواع العشب ان رفع خشمه حليب وان نزل خشمه عشب ((حوار ربيع))
وجب الغضاره وقت المغرب احلا غبوق
وسلامت الجميع هاذا ماصار في ربيع ال1418 يابو عمر
سبحان الله مقلب الاحوال

اخوي
نواف هلال
شكراً لك المرور ومعلومات الربيع
والشمال
تحيتي

المشاركة الأصلية كتبت بواسطة عوض البيضاني

الله يغيثنا

اخوي
عوض البيضاني
اللهم آمين وشكراً لك المرور
تحيتي

المشاركة الأصلية كتبت بواسطة أحمد الشعوان

الله يجيب الخير الله كريم ..

اخوي
احمد الشعوان
شكراً لك المرور لاهنت
تحيتي