|
فنجال كيف http://www.alnadawi.com/vb/images/up...2397b5a9d3.gif فنجال كيف قم يا حبيبي وزود الهيل -- فنجال كيف مع مهاوي يداوي موضوعي ومن انشائي حتى البيت من قولي أرحب بالنقاد حوله الهدف من الموضوع من يهوى هذا الفنجال يشارك معي بهذه الجلسة أولا يقول وش يحب نوع قهوته ؟ متى يحب يشرب القهوة ؟ لو ما تقهوى بذاك اليوم وش يحس فيه ؟؟ هل تُميز القهوة الجيدة من الردية ؟؟ لو يدخل عليك ضيف ويرفض ان يشرب فنجالك ؟؟ وش موقفك ؟؟ كم من فنجال تشرب يوميا ؟؟ وش تحب حمستها ؟؟ هل اكواب النسكافيه ،، والكابتشينو تغنيك عن شرب القهوة العربية السعودية ؟؟ من تحب يشاركك في شرب فنجال قهوتك ؟؟ ومتى يكون هني مشربها ؟؟ هات اخر دخولك بيت شعر ولا حكمة ولا مقال او قصة خفيفة عن القهوة او موقف مضحك عنها ؟ هلا ورحب بمن شرب هذا الفنجال وتجاوب مع كل سؤال لاتواخذوني هذا الموضوع من انشائي لو حصل فيه لمس او تقصير او صار غير كافي مع فنجال كيف http://www.alnadawi.com/vb/images/up...2397b5a9d3.gif تحياتي للجميـــــــــــــــع |
رد: فنجال كيف اخوى ابو الرجال أحب من انواع القهوه الخولانيه البريه وتكون حمستها خفيفه ووقت شربها بعد صلاة الفجر مباشره وبعد صلاة العصر ولو ماتقهويت هاكا النهار احس بعماس والله . اما أحب اشربها مع من مع الطيبين وياحبي لكبار السن ولايغني عن القهوه اي مشروب آخر ولو دخل علي احد ورفض شرب قهوتي ماني غاصبه عليها حقه علي اصبها له وهو حر ونعم اميز النوع الطيب من القهوه وحتى من تصليحها لإن القهوه على قولة اهل الجنوب نقّاده وشراب القهوه نقّاد بعد والابيات للإميرمحمد السديري احمس عليها البن من غير تقليل =وأحذر عواقب من هرج عايب عاب ودّقه ولقّمها وزّوّد لها الهيل =حتى يصير الكيف طب(ن) للألباب ماها قراح(ن) صافي(ن) من شهاليل =من وبل رايح داجي الغيث نحّاب يا حلو صّبتها ببيض الفناجيل =ان ذاقها الممروض من عّلته طاب اشكرك اخوي ابو الرجال على هالطرح الراقي تحيتي |
رد: فنجال كيف أنا ما يهمني نوع القهوه مثل ما تهمني حمستها ؛ ماأحب الا الحمسه القريبه من الحرق والجديده ولا لها طعم عندي بدون تمر ؛ وأفضل وقت عندي بالشتاء الضحى بظل الجبل قدم النخل على فراش من الزل الغالي والمراكي الفخمه مع شايب غالي وشاب ظريف. . . يقول الشاعر اﻷول : أودلتن صفرا على النار مركاه وأقصر بصبتها على كيف روحي فنجالها يشدى خضاب الخونداه الجادل اللي عند أهلها طموحي. . . . وليش طموح عند أهلها ؟ مدري |
رد: فنجال كيف اقتباس:
مشكور ابا فيصل على هذه الجلسة والتجاوب هنيا لك فنجالك تقديراتي لك |
رد: فنجال كيف اقتباس:
اخوي عبد الله بن راشد شرفتنا في فنجال كيف هنيا لك قهوتك أشكرك شكرا جزيلا على التواجد |
رد: فنجال كيف ابو الرجال صح لسانك على البيت اما بخصوص القهوه نعم انا من شرابين القهوه ووقتها الصباح وبعد صلاة العصر وطبعاً مع الشيبان على سالفه من السوالف القديمه لها ميزه قهوتي المفضله الهرري اما بخصوص البدائل كالكباتشينو والنسكافيه فلا تكفي تمنيت اني شاعر حتى ارد على البيت |
رد: فنجال كيف تصحيح البيت قم يا حبيبي صب لراس فنجال == يعدل مزاج اللي تعكر مزاجه ابو الرجال مع اني أعرف القهوه جيداً ولكن صدقني ما أحبها نهائي ولا أشربها ولاأذكر سوو لي قهوه بالبيت نهائي ولكن عوائدنا تحتم علي شربها عندما أعزم أو أكون في مجلس رجال ولكن تقل أشرب علاج مانصدمتوا من جوابي أما الشاهي فأنا مدمن لحد الثماله وناقد من الدرجه الأولى خطير خطير في تصليحه وفي نقده البديل شاهي أسمه زهور أوربيه ولمن أراد شربه يوجد عند كافي بن على الخطوط السرعه وداخل المدن أفضل كافي عندي حليب العنز مع الشاي شئ خطير جربوه أهووووووووووووووووه وادعولي |
رد: فنجال كيف اقتباس:
ابو حمد فنجالك هني اشكر لك تفاعلك وتواجدك تقديري لك |
رد: فنجال كيف اقتباس:
ابو عمر تدري اني انصدمت ؟؟ (لا) وشكيت بعروبتك لكن حليب العنز مع الشاهي أكد لي انك عربي اصيل تواجدك معزز لمصفحي شكرا لك ولتصويبك البيت |
رد: فنجال كيف هههههههههههههههههههههههه ضحكت من قلبي يا بن جضعان حليب عنز مع الشاهي يا تسبدي طيب ولي ما عنده حليب عنز ايش يحط حليب سعووووووديه ابو الرجال موضوع روووووووعه لي عووووده |
| الساعة الآن 10:24 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir