طواريء المجالــــــس

كُنْ فيْ الْحياهْ كَعابر سبيلٍ ... وَاتْرُكْ وراءكَ كُل أثرِ جَميل

فَما نَحنُ فِيْ الدُنيا إِلَاضُيُوْف ... وَما عَلى الضيوْفِ إِلَاالرحيل

شوف الزمن كيف خلاني & وحدي ولاني مخاوي ناس
حتى الذي كان يهواني & راح وتركني مع الجلاس

العمر يمضي بين حلوه ومره

والموت حق وقابض الروح مأمور

دام الحياه الفانية مستقره

ورزقك يجيك وبين الأجواد مستور

لا تنشغل بالوقت برده وحره

واحذر تصير بقسمة الناس مقهور

وحكم القدر لاجاك خيره وشره

أشكر عظيم الشان والذنب مغفور

اووووف.. ياكثر الاحلام اللي على بالي وشفي ....وآآآآآخ ياراسي.....من التفكير في من لايشونه
وأحححح ......ياحر انتظاري للقبول من المقفي......
وآآآآآآآآآآآآآآآآآآآآآآآآ آآآآآآآآآآآآه ......ياحبٍ عطيته ناس....
مايستاهلونه

بالله ياقسم الطواري في مجالسنا=مانريد دكتور عام نريد اخصائي
دكتور مختص يفهمنا ويدرسنا=من شان مايؤخذ التقرير عشوائي
لحلام وامآآل امانينا يحمسنا=يالين نشفاء مع الايام تلقائي
عشنا الحياه بتجاربها ومارسنا=واللوانها بكل شكل في قلم مائي

مشتاق لك ياخل بالحيل مشتاق
والشوق في قلبي تزايد لهيبه .
. حركت موق العين والدمع دفاق
والقلب يصرخ وين اصبح حبيبه .
. شفت الحيا دونك غرابيل واعواق
وصورتك دايم من عيوني قريبه .
. قلبن يحبك طالبك خذها برفاق
ياللي حنانك مثل كف الطبيبه .
. لجلك سهرت الليل واكتب من اعماق
قلب عطاك الحب ما هي غريبه .
. ادخلتك فقلبي وسديت بغلا ق
والناس فينا كل شي تعيبه .
. خوفي تكون اليوم ناوي على افراق
صدقني ميت سهمك اللي يصيبه .
. قلبي صبروالجرح ماعاد ينطاق
وانته دوا قلبي وانته طبيبه .
. رسام يرسم لحظة العشق بعناق
وانته رسمت اليوم موتي افمصيبه

البـنـت تلـقـى عـزهــا عـنــد ابـوهــا**وان مـات أبووهـا عـزهـا ويــن تلـقـاه

الله يـجـازي الـــذي بـالـحـب علّـقـنـي **لا زاد وصــلـــه ولا كــمّـــل بـهـجـرانــه
فـي رجـوة الـحـب غرّبـنـي وشرّقـنـي **كنّـي وحيـد(ن) تقـافـوا عـنـه صدقـانـه
أحـيـان طـعـم الـفـرح مـنــه يـذوقـنـي **واحيـان طـعـم الـحـزن ذوقـنـي رمّـانـه
حسبي على وقتي اللي فيه وهقني **حبـيـت لـكـن لقـيـت الـجـرح واوطـانـه
يقـرانـي الـحـب فيـنـي ثــم ينطـقـنـي **سبحان رب(ن) خلق هالحب سبحانه
عـزاه يـا نجمـي اللـي كـان يسرقـنـي **واراقـبــه كـــل لـيــل بـعـيـن لـهـفـانـه
واليـوم غـايـب وريــح البـعـد تصفقـنـي **وتـقـول لــي رااح نـاسـي كــل خـلّانـه
يا قلبـي ارجـوك مـن هالحـب طلّقنـي **تــروى جــرووح المحـبـة مالـهـا خـانـه

لاتسألوني عـن سبب دمعـة العيـن **والله مـادري دمعتـي وش سببهـا
يُجوز تبكـي مـن بعـد نـاس غاليـن **ويجوز تبكـي حيـن ساعـة غضبهـا
دنـيـا غريـبـه ماعرفـنـا لـهــا زيـــن **محدن على طيبه بيومـن كسبهـا
لوهي صفـت لـك يـوم ولا بيوميـن **بالثـالـثـه عـيـنـك تـبـلـل هـدبـهــا
لاواهـنـيــك يــادمـــوع الـبــزاريــن **مــن قـبـل لاتـنـزل ملـبـى طلبـهـا
وانــا حيـاتـي كـلـهـا بـيــن نـاريــن **والنـار ويــل الـلـي يـطـاول لهبـهـا
أبكي من الحيره وابكي من البين **والا مــن هـمـوم الـزمـان وتعـبـهـا
الدمـع واجـد والمشـاكـل ملايـيـن **لاعاد تسأل دمعتي وشُ سببها ..