سجل حضورك بيت من شعر أو أكثر ..

لا صار خـلـّـك مستحق المسـبـّــة
....................سبـّــه ترى العشــاق غيرك يسبــّــون

لا آبوه لا آبو الحب من قلب سبـّه
....................لا آبو الغرام اللي يحدّك على الهــــون

يا لعن أبو قلب غشيم يحـــبـــّــه
....................ملعــون والقلب اللي يغـليه ملعــــــون

أقول من هبـّــاك يا خبل هبـّـــــه
....................الدون ما يســلك معــاهم سوى الدون

عزّ الجفا ولا هـــوان المحـــــبة
....................مآخوذ من يصـــبر على الذل مغـبــون

همي بقلبي يالخوي اتعب الحال
دمعي بعيني رقص اليوم قافي

انت الرفيق اللي بهالكون ما مال
لا ضاق صدري منهم القاك لافي

ترى غلاك اليوم ثابت و لا زال
و لا عاد ابي ربع القلوب المقافي

خذني يمينك وابشر بذرب الأفعال
لأمشي معك لو وين كان انجرافي

أقسم قسم انك على الراس تنشال
خذ من قصيدي وشوف جل اعترافي

تعَالْ: إنْ كِنتْ تعشقني وإذا فِعلاً تبي لي خير
............تعَالْ: ومِدْ لِي .. كَفْ الوَصِلْ .. وآمِدْ كَفيني

هادم اللذات جانا بلا حسيب
ياخذك مني ولاحساسي قمع
خافقي من فرقتك صاير صويب
والحزن في داخلي يبه رتع
اسألك يا الله يا رب (ن) تجيب
عبدك اللي لك يدينه قد رفع
ترحم ابوي يوم كل (ن) مستريب
يوم جف الريق واهوال(ن) تبع
يوم ينحاش القريب من القريب
يومها كل(ن) يماري بما صنع

يقول لي حبك على القلب غلاب
انتي الغلى وكل الغلى يا غلاها
واليوم وينك يا غلا كل الأحباب
ناديت أبويه ... وارتجع لي صداها
بكيت .. وقالوا سكرت دونه ابواب
قالوا توفى واندفن في حشاها
يا من يجيب العلم لوكان كذاب
يقول لي عايش وياطا ثراها
والله لهدي له حياتي بلا سباب
تفداه روح(ن) حبه اللي براها
قالوا توفى وقلت والله ما غاب
لو غاب جسمه باقيا في حناها

ذكرتك و {الدروب} اللي تعانق [خطوتك] بسكات
انا مازلت[ اسافر] بين{ نظراتك وكلماتك}
وانطفا [جمر السلام] وذابت.. الشمعات.. }~
ذكرتك واستفزيت من {شوق بسماتك}
انت في [راحة] وانا اقولك {هيهات... }~
انا [لاجيت] ابرتاح[ تطاردني] بنظراتك..

أبيك.. }~
ولاأبي غيرك.. }~
ولاغيرك يعوضني .. }~
أشوف [الناس] غير الناس و{انت }اللي {مجنني}
واذا[ صرت] في حياتك {غلطه} ...؟؟
أرجوك صارحني
وأبعرف{ دنيتك} تظلم والاأنت [ظالمني]..؟؟
{معذب} في هوى[ حبك] ولكن كيف [ترحمني] ..؟؟

ما قد جرحني من يقول بدويـة

أصلي تعلى فوق وأرفع به الراس . . . ~

ما عيروني بالعلوم الرديه

ولا مشيت بدرب تمشيه الاجناس . . .
ما ضيع أصلي بالحضارة القوية

ولا انبهرت بزحمة المدن والناس . . .

ان عشت بالصحرا لقمرها حليـــه

واعكس وهج ضوء تعلى من الاشماس

وان جيت بين المدن وردة نديـة
ما يقتطفها غير شهم من الناس...

لو كل من يبكي يحصل مراده
والله لتلقي كل الأجناس يبكون



مير البكي للي عليه القراده
الله يعين اللي من الوقت مغبون




احدن همومه بالحياه السعاده
واحدن همومه بالعمر كثره ديون




واحدن ينام وحط دونه وســــــاده
واحدن شكى ليله على خالق الكون




واحدن شكى هجر الوليف وبعاده
واحدن حفظ حبه عن اللي يعذلون




واحدن سهر ليله صلاه وعبــــاده
واحدن سهر مابين خمره ومزيون




دنيا بها العالم بياض وســــواده
فيها عجايب تجعل العقل مجنون

‏عسىْ ـآإ : تشْرقَ شموسّ ٱلحَظُ `، و على ـآإ آلنيآت/ تعطيناآ