|
(شاعر تزوج شاعره)وفي ليلة الدخله........؟؟؟ حياكم (شاعر تزوج شاعره)وفي ليلة الدخله........؟؟؟ في هالموضوع حبينا نغير ونجيب لكم شي فيه من الفكاهه والمرح والشعر بين شاعر تزوج شاعرة شاعر وشاعره جمعهم النصيب وتزوجوا .. وكان بينهم اتفاق تكون ليلة العرس مختلفه وغير تقليديه وان كل منهم يقول ابيات شعر ارتجاليه وقت وجودهم على الكوشه .. وبطريقة المحاوره .. دخل العريس على عروسه وهي تنتظره على الكوشه .. وبدا ينفذ الاتفاق واول شي رحب بالحاضرات وقال : مرحبا ضيفاتنا .. فالفرح نوّر 000 ياهلا ويامسهلا بالحاضراتي ارقصن غنن ولابي منكن اكثر 000 انفضن سمر الجدايل مايلاتي الفرح بوجودكن يزها ويفخر 000 دامه الله نعمةٍ يالغالياتي وبعد هالابيات .. رحب العريس بعروسه وقال : الفرح فرحين وانتي الفرح الأكبر .000 ياهلا بك ياعروسي يا مناتي قبلة الترحيب ، هاتي الخد الايسر 000 الشنب يخدش خدود موّرداتي ربي جمّعنا .. وقول الله أكبر 000 شاعرٍ مع شاعرة باحلى غناتي وجا دور العروس الشاعره .. وردت على عريسها وقالت : ياهلا بك واحترم نفسك توّدر 000 وانثبر ساكت ولا تشوف ..البناتي فارغٍ قلبك مثل ذيبٍ تحدّر 000 يلغف الخرفان في صمت وسكاتي لا تفكر يعرفن بالشِعْر الأحمر 000 ما يبن شعرك .. بناتٍ عاقلاتي ويلتفت العريس على عروسه وابياتها القويه ويرد : شينها من ليلةٍ يالوجه الاقشر 000 اعقلي يابنت .. خوف من الشماتي اضحكي قدامهن لو ضحكٍ اصفر 000 ولا تفردّنا .. تشوفي الطايلاتي وين عقلك بالشعر .. راح وتنكر 000 وين كلمة حب .. وين المفرداتي فترد عليه العروس : تحسبن العرس يالانثى المذكر 000 مثل شعرك هرج وصف القافيتي العرس .. تدخل بعالم مثل تِقبر 000 ما مضى تنساه تحيا كالرفاتي المْرَهْ بالعنق .. والاولاد تكبر 000 والعوافي تعقبك في كل آتي العريس شاف السالفه بتخرب من اولها ، وعروسه بدت تشكي من اول ليله فحب يستثيرها وقال واهو يوصف البنات الحاضرات وام العروس : شوفي اللي لابسه فستانٍ اخضر 000 كنها لولب برقص المبدعاتي وشوفي امك كنها كيسٍ مخصّّر 000 وفرقي بين العجايز والبناتي وشوفي المزيون راع الشعر الاشقر 000 واهني الرجل في ريم الفلاتي وهنا العروس طقت عروقها .. وشالت الكلافه بينهم .. وردت عليه : لعنبو اصلك ترى لو ما تدّبر 000 وتستحي يالشين تقعد في ثباتي لاصفقك كفين .. اعذر من قد انذر 000 واتركك وحدك وهج بلا عباتي منت رجّال .. ولكن ثورٍٍ ازعر 000 لا حيا .. لا سمت من كل الجهاتي وتوقف العروس .. وتصيح بعريسها تطلب انه يقوم ويروحون : هيّا قم .. قامت عصبك ولا تأخر 000 ناويه أعطيك درسٍ في الصفاتي ويرد العريس .. يمازح عروسته : ماني قايم .. روحي لوحدك ولا اكثر 000 خايفٍ منك تجيبي لي حماتي ويقومون الاثنين وينزلون من الكوشه .. والعروس تهمس في اذن عريسها : شخّص ببشتك وراسك فوق اكثر 000ودنق عيونك .. ومشيك في ثباتي وامسك بيدي .. وتبسم ولا تنثّر 000 ومن قرب حولك تردد .. "ياحياتي " فيرد العريس بشويش : من سمع هرجك .. يقول ولا تحذّر 000 ضبي شارد ما خذه ضبٍ نباتي جعل منتي ذيك اُم الشعر الاشقر 000 لا .. وتتشرط علي وجه الدباتي وتقفل مع العروس وتشين الاخلاق وتمسك نفسها لين وصلوا غرفة النوم .. ثم قالت : شف ترى مابي مشاكل أو كدر 000 خلنا نِمْرحْ .. قبل وقت الفواتي هدني الارهاق ولا احتاج السهر 000 والصبح بدري يهجدوني خواتي وابو الشباب يرد عليها .. : مايصير .. اللي تقولي من عذر 000 ما انام إلا .. بحل الواجباتي! وش تقول امي .. إذا بان الخبر 000 وش اقول لهم ..تلحفت بعباتي! والعروس تضيقبها الفسيحه .. وتقول : لا تطوّلها ... وفكر بالامر 000 وش دخلهم .. فزواج الشاعراتي وان رفضت ارميك في هذا الممر 000 واقفل الغرفه وطوّل في سباتي وكما جرت عليه العاده .. يخضع العريس لرغبة عروسه .. ويتلحف ببشته وينام.. وسلاااااامتكم أعجبني وحبيت تقرأونه . مع المعذرة للشعراء والشاعرات |
رد: (شاعر تزوج شاعره)وفي ليلة الدخله........؟؟؟ انا لومكانه هفيته بقرب شي مع وجهه وقلت رح يمهن اذا اعجبنك ولبست عباتي وطلعت الي جابك يجيب غيرك الحين انا عندك وتناضر وتغزل ليه انا عندك صنم يالخايس خوذيها ياميس مني الشاعره وفيه يعني اذ جة بتمدح مدحة زواجها واتحدها تقصد بحد غيره و الشاعر يتغزل بلي يعرف والي مايعرف جدي شاعر وجدتي شاعره الحمدلله ماشيه امورهم زينه لان جدي ماسك عمره ولامر قال قصيدة غزل بوحده غريبه ولاجدتي ماهي هينه <<<^_* ميس شفتي الشعراء الي قصايدهم غزل اتحداه اذا هو قايل قصيده غزل بزوجته فالحين بالعزل الي مابه خير السموحه ميس طولة انا ماحب غير الصراحه تحياتنا الأخويه |
رد: (شاعر تزوج شاعره)وفي ليلة الدخله........؟؟؟ وليش زعلتي وهل فيه احد معصوم شاعر كان أو غيره الحياة في الدنيا صفحات كتاب وكل صفحة فيها موضوع في حياة البشر فكل انسان كاتب كان او شاعر او مهنس او طبيب او عالم او معلم مرجعهم انسان يعيش حياة لالا المواهب تطهره ولالا المهنة تنقيه ولا حتى كثر الطاعة تعصمه احيانا يبتلى لمعرفة قوة ايمانه فمااااااا باااااا لكِ للشعراء الذين ينادون الكيف بالكلام الشيق المعسول كلنااااا بشر اسمحيلي الريم الشمالي هي مزحة ونقل للفكاهة وليس للنزاع تحياتي لكي ولمروركي الذي استفزكي ياااا أجمل ريم في الشمال والله من يوم قرأته قلت لازم زملائنا في منتداي يقرأه ويستانس بهذه الأبيات الممتعة في ليلة زفاف |
رد: (شاعر تزوج شاعره)وفي ليلة الدخله........؟؟؟ ميس انتي وين جيتينا بهاالموضوع الريم عندها غيره تهد ديار خخخ من زواج لسجن يعني هف مره وحده الله يسعدك يالغاليه استمتعنا بطرحك |
رد: (شاعر تزوج شاعره)وفي ليلة الدخله........؟؟؟ اقتباس: المشاركة الأصلية كتبت بواسطة شموع التفائل http://www.alfredah.net/forum/alfred...s/viewpost.gif ميس انتي وين جيتينا بهاالموضوع الريم عندها غيره تهد ديار خخخ من زواج لسجن يعني هف مره وحده الله يسعدك يالغاليه استمتعنا بطرحك ليش أختي شموع هي الريم كلفتك دفاع عنها أو لسان لها ؟؟؟؟؟؟ هي مندفعة فقط حول الموضوع بس لو تفكر قبل ان تجيب كان صارت ردودها جدا رائعة كم أنا سعيدة بمرورك ومرورها وكلاكما شرفتو مصفحي وأنرتوه شكري جزيل وتقديري وفير ودام تواجدكما |
| الساعة الآن 03:24 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir