|
من جورهم فارق انا كل غالي ايها الاحبه هذه قصه حزينه برواية الراوي فواز الغسلان إليكموها :- قال حمود العبيد الرشيد بعد ان قام اولاده(سعود-سلطان-فيصل) بقتل اولاد بنته عيال عبدالعزيز المتعب الرشيد طمعا في الاماره فأغاروا عليهم وقت الظهيره وحمود نائم وكذلك امهم فذبحوهم كالخرفان وهم اربع شباب (محمد-طلال-متعب-مشعل) واستيقظ حمود بصيحة الاخير فقام فزعا وكان الامر قد فات وطار عقله وعقل بنته امهم اللي انهبلت فغادروا للمدينه وهي تردد: تعززوا للي جلت للمدينه=اللي عيال ابوه تعشوا عياله
فارسل حمود(وكان طاعنا بالسن) هذه القصيده يدعوا عليهم ويتوجع وفعلا استجيبت دعوته فماتوا ثلاثتهم قبل اكمال سنتين نعوذ بالله وهذه قصيدة حمود العبيد: هيضت ما كنيت وابديت ما اخفيت=ولانمت انا سايلت حالـي لحالـي ولانمت انا عقب الهرم ثم سجيـت=الاربعـه بالحلـم كلـن لفـالـي ياليتنـي قيلـت معهـم ولاجيـت=ولاشفت تقطيعـه محمـد قبالـي متعب ولد بنتي لشوفـه تشافيـت=ولاأبطيت ما جيته هو اللي عنالـي ومشعل يداوي الجرح لو ماتداويت=ولاشفت زوله ورد المـاء حبالـي وطلال ينجيلي وانا لـه تناجيـت=عز الله انه من نضايـض حلالـي وعز الله اني بالعهد مـا ترديـت=مار ان جاء بوق العهد من عيالي وعز الله اني للمراجـل تقصيـت=مع نسل عبدالله مـن اول وتالـي محمد عقيم باللقاء حصل الصيـت=وحاش المراجل دقهـا والجلالـي وسبهان زكاله جميـع العفاريـت=هل الجبل واللي بـروس العوالـي وجاه ابن أخوه ومثل ماصار سويت=وعز الله اني نعم ضيـف عنالـي المسجد اللي به على ابوي صليت=واليـاذن المـذن نحرتـه لحالـي والله يلـولا عورتيـن فـلا جيـت=موضي وبنت العم مالـه رجالـي عطيتهن عهد اليا صبحت ومسيت=انـي لكـن مثل الغديـر الزلالـي مار ماينفعن كثر المنى لو تمنيـت=ولاينغـرف دم صفـق بالسهالـي شمر بني عمـي وعنهـم تلزيـت=واقفيت عن نجد وانا بـه شفالـي اقفيت يادار الخطاء عنك والويـت=مثل البعير اللي مصيبـه جفالـي سلطان لاتغريـك دنيـاك ياشيـت=الشمس لو زانت وراها ظلالـي سلطان ورث الميت مثلك غدا ميت=الليلـه الظلمـاء سببهـا عيالـي جاني منك خط تقل ريـح كبريـت=تواعدوا بأخـذه جـرود الزوالـي ميزاك فرس محمد طايل الصيـت=او فرس ابو متعب محازم رجالي لو لك ركاب مثلهن كـان فزيـت=تغزي عليهن شـرق وألا شمالـي سلط على سلطان وسعود وسبيـت=ومن جورهم فارقت انا كل غالـي وصلاة ربي عد مـازاروا البيـت=علـى النبـي محمـد بالكمـالـي نعوذ بالله من مجادع النفس والشيطان000 |
رد: من جورهم فارق انا كل غالي الف شكر ع الاضافه ابافيصل قصه مؤثره فعلاً وهذا سبب تشتتهم ودمارهم والله الحمد لله على فرقاهم فسقه ومتعاليه ومتغطرسه ولابهم خير للأسلام وعندي أستفسار هل القصيده بها بيت يقول كان الكتاب اللي قريته 000 ابوفيصل تقبل مني أجمل التحايا والمنى الطيبه اخوك وزميلك ابوعمر |
رد: من جورهم فارق انا كل غالي قصه محزنه وقصيده مؤثره الف شكر ابو فيصل لاهنت |
رد: من جورهم فارق انا كل غالي اقتباس:
اخوى علي بن محمد الجضعان اشكر لك مرورك ومداخلتك وبخصوص إستفسارك لاعلم لي سوى مانقلته عن الراوي فواز الغسلان تحيتي |
رد: من جورهم فارق انا كل غالي اقتباس:
اخوى ابو حمد اشكرلك مرورك العطرلاهنت تحيتي |
رد: من جورهم فارق انا كل غالي فعلا حزينة جداً .. وهذا حال الطمع والحسد .. يورد صاحبة المهالك كل الشكر لك أبو فيصل ..طرح رائع جداً |
رد: من جورهم فارق انا كل غالي اخوي فهد الطميشاء اشكرك على المرور والاشاده والمداخله تحيتي |
رد: من جورهم فارق انا كل غالي اعوذ بالله من القطاعة وقساوة القلوب وقلة الدين وليس هؤلاء فقط هم القتلة ، فقد توارثوا القتل وكان محمد العبد الله الرشيد اول من قتل لاجل الملك ، قتل ابن عمه وغيره وغيره وقد زالوا بسبب الظلم والقطاعه شكرا ابو فيصل على الايراد والاضافة لاهنت |
| الساعة الآن 02:24 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir