![]() |
أبو سبع بنات منقول لراوي فواز الغسلان : من عجائب تاريخ نجد حادثه نادرة الوقوع وهي ان عمر ابالخساير من قبيلة عنزه رزقه الله سبع بنات وتضايق لانه كان يريد ولدا ذكرا بسبب صعوبة العيش في ذلك الزمان00 فرأى في المنام انه امتلك جبلا ينزل منه سبع عيون ماء قراح 00 والعجيبه انه عندما زوج البنات كل وحده انجبت شيخ قبيله 0 انجبت شيخ استطاع ان يشيخ بربعه بسبب كرمه او شجاعته 0 وقد قلت انا في قصيدتي موسوعة نجد: وعجايب الدنيـا بنجـد العذيـه سوالفـن باقـدار رب البـريـه بالصدق ترويها الرجـال النقيـه وصدقه ثبت عندي ولا به مراواه اعجب عجايبها على ابالخسايـر انجب من الخفرات سبع(ن)حراير وجابن شيوخ(ن)ماتهاب السعاير والكل منهم شاخ من طيب يمنـاه الاوله جابت مكازي على الطيـب اللي رمى شاته يبيها عشاء الذيب والثاني الطيار سيف المعاطيـب اللي شهر طيبه على اقصاه وادناه والثالثه جابت على الطيب ساجر اللي يغيـر بحاميـات الهواجـر وعقبه ابن شامان سيل المحاجـر اللي يصب السمن صافي بيمنـاه والخامسه جابت خلف نسل ناحل شيخن يمينه مثل شهد المناحـل وعقبه جديع اللي يبوج المراحـل جديع ابن قبلان بالصبر مااقـواه والسابعه جابت محمـد بالاخبـار ابن سمير اللي حمى جيرة الجـار مامثلها صارت على كل الاقطـار وابالخساير شاد ساسـه ومبنـاه وهم كما هم موضحين في القصيده: 1- مكازي بن سعيّد (معشي الذيب) شيخ الدغيرات من شمر0 2- الطيار من شيوخ عنزه0 3- ساجر الرفدي الفارس الشهير من عنزه0 4-ابن شامان من شيوخ البجايده من عنزه0 5- خلف بن ناحل من شيوخ قبيلة حرب 0 6- جديع بن قبلان الملحم من شيوخ عنزه خوي نمر بن عدوان0 7- محمد بن سمير مجير على الدوله وهو من شيوخ عنزه ومذكور بالشيخه 00 حادثه نادرة الوقوع ولم تحدث حسب علمي ابدا الا لعمر ابالخساير0 م/ن |
مشكور على القصه الجميله وشعر الأجمل |
قصيده رائعه مشكور على النقل |
اقتباس:
|
سبحان الله من اعجب ماقرات من القصص سبعه وكل واحد شيخ اوالله بنات |
مشكوور على القصه الجميله والقصيده الاجمل |
اقتباس:
|
والله يا عبد الله الميسوي انت ما تجيب الا الجزلات الف ومليون شكر على هذه القصة العجيبة والقصيده الحلوه زيدنا ,,, زادك الله من فضلة |
الساعة الآن 01:28 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir